Popular Bible Verses from BIESOZY 3

Share

Na pathipalôh tlokhuh ta ABEIPA ngâ la, Nâma pahnona liata a pahnieh khah y. Na lâpi zydua ano pahnosa lymâ la, Na lâpizy a patlâsa lymâ aw.

Nâma pachâ ta a pasosa leipa la, ABEIPA chi la, Moleina siesai mah y.

Na hneina ta ABEIPA palyupalih la, Na kôvei a daih tuachaipa zydua ta ABEIPA cha palyupalih mah y. Chatanachata na sawvâzy cha bie pakhô aw ta, Na kresawhti saohna lô beihzy cha, Kresawhti thiehpa ta a khô pathlah aw.

Ngâchhihna nata biehmeiseihpa ta châ heihsai khah sy; Na rao liata chazei la, Na palôh lôphiapa liata roh ha mah y.

Ei sawchapawpa y, ABEIPA chhoreina cha, Papeisa leipa ta y leipa la; A cha ra tita, Na palôh pasa khah sy. Paw ta sawchapaw â lypa a rapa hawhta, ABEIPA chhao ta a kyhpachâpa cha a ra tyh.

Ei sawchapawpa y, ei pachuna my leipa la, Na palôh ta ei biepiepazy a vao thlâh ha mah y. Hro pasina cha pie aw ta, Kô hluhpi cha pahrosapa ta, Thlalôhna a cha pie aw.

Sona a hmôpa cha nohlaopa châ ta, Novâhna a hneipa chhao nohlaopa a châ hra. Sona tawhta athôhna cha tâkâ tawhta athôhna hlâta pha via ta, Sona papôhpa cha ngôh papôhpa hlâta a pha via. Sona cha lôsôhpa hlâta sôh via ta, Na kho kawpa hmo kheihawhpa nata hmah Pakhopâ thei rimâ awpa châ vei.

Tao theina na hnei khiahta cha, A to tlâhpazy châta hmo phapa pakhâ khah y.

ABEIPA ta sona ta alei he bô ta, Novâhna ta avâzy khi a padua.