Popular Bible Verses from BIESOZY 2

Share

Sona cha ABEIPA piepa châ ta, A pakah tawhta pahnona nata novâhna a pua.

Ei sawchapawpa y, ei biezy a pyhpa ta, Ei biepiepazy paso pha la; Sona lâ na nah pachôhpa ta, Novâhna lâ na palôh pahei la; Chatatly, pahno thaina padopa ta, Novâhna hnei awpa ta thata awh la, Sona cha tâkâ tluapa hawhta tlua la, Ryubyh nyupa tluapa hawhta na tlua khiahta cha, ABEIPA china kyh liata na novâh aw ta, Khazohpa pahnona nâ huah aw.

Chyhsa dopa châta sona patapa pachôpa ta, Ngâchhihpa ta a ypazy châta ano cha vyhphao a châ. Adona lâpizy vaih ta, A mopathaihpazy hrozie a vaih tyh.

Adopazy cha râh liata pahrâ aw ei ta, Phapakipazy cha râh liata ama y thlâh ha aw. Hmoparaopazy deikua cha râh tawhta chhawh pathlahpa châ aw ei ta, Piehpiepazy cha râh tawhta phiapa ama châ aw.

Sona ta khichhai chanô tawhta cha pachha aw ta, Chihropa chanô reikah thaina tawhta a cha pachha aw. Cha chanô cha a thyutlia nota â kaolâhpa siesai ta, A Khazohpa biehrai a my hapa a châ.