Popular Bible Verses from BIESOZY 4

Share

Na palôh pakhâta ta vaih mah y, Hrona tihnawh vaw puana châ tlôh ta.

Na phei tlyna lâpi paraih la, Na lâsie a patlâ lymâ aw.

Bie hloh hneipa na pakah tawhta thy la, Dôveina bie chhao na hmao tawhta thy ha mah y.

Sona thabypa cha he he a châ: Sona cha tlua la, Khâpa zydua hlâta novâhna tlua chai mah y.

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ. Hmoparaopazy lâpi cha zoh kaluh ha ta, Khâpa ma amâ chapia tahpa chhao pahno veih ei.

Sona cha siesai khah y, A cha hrôbieh lymâ aw; A kyh pachâ mah y, A cha vaih lymâ aw.

Pachuna cha khâchâ patu la, Papua khao khah y; Na hrona châ ta, Liahsa a vao ha mah y.

Hmoparaopa lâpi liata a ngia leipa la, Moleipa lâthlôh a chhih khah y.

Ei sawchapawzy saih u, paw pachuna bie thei u la, Novâhna nama hnei thei nawpa ta nathlie teh u.