Popular Bible Verses from BIESOZY 16

Share

Na raizy ABEIPA pavao sa la, Nâ chhuahpazy a hlaotloh aw.

Chyhsapa palôh ta a lâpi pachâhpady ta, A lâsie a chhituhpa deikua cha ABEIPA a châ.

Bie phapa cha kheihthlawh hawh châ ta, Hro châta thlôh ta, ru châta hnatlâna a châ.

Palôh achhuahna cha chyhsapa eih châ ta, Paleih achhyna deikua cha ABEIPA tawhta a châ.

Chyhsa palôh pasipa cha, Thatlôpa hlâta pha via ta; Ano palôh chô liata bie a hnei theipa chhao, Khihpi a latuhpa hlâta a pha via.

Apalaina cha raona hmia lâta sie ta, Akhotlâhna palôh chhao paona hmia lâta a sie.

Ano mo liata cha chyhsa ta a hrozie zydua a pathaihpa hawhta hmô ta, ABEIPA deikua cha palôh kho a pathliah tyh.

Bie pakhâta ta a pachâpa cha hmo phapa hmôpapua aw ta, ABEIPA a ngâpa cha byhnâ a to aw.

Adoleipa ta sôh hluhpi hneipa hlâta cha, A sia kawpa ta a chyhta hneipa a pha via.

Chyhsapa pachâ ta lâpi dopa a lyupa y ta, A chhâna lâta deikua thina lâpi a châ tyh.

Ngâchhih leipa chyhsa cha ahryuna chi hie ta, Bieparu rei a hmâhpa chhao viasazy a pachhaih ty.