Popular Bible Verses from BIESOZY 10

Share

ABEIPA byhnâ cha chyhsa pahneirôhsa ta, Pachârôhna baichha tyh vei.

Bie hluhpi a reihpa cha paraona a phahla leipa ta, A hmao a sohsi theipa deikua cha chyhsa sopa a châ.

Ahaona ta ahryuna papua ta, Kyhpachâna deikua cha paraona zydua a khu tyh.

Ku thathipa ta dyhchhiena tlôkhei ta, Ku tiamapa deikua cha hneirôna a tlôkhei ty.

Pachuna a pyhtuhpa cha hrona lâpi liata sie ta, Rana a dythapa deikua cha mohropazy â chhi chhei tyh.

 dopa ta a siepa cha â bohpa ta sie ta, A lâpi a pakosapa deikua cha â lâ thlyu tyh.

ABEIPA china cha hro pareihna châ ta, Moleipa kôzy deikua cha pachhohsapa a châ aw.

Mosiapa nodi awpa cha ABEIPA ta pasaih leipa ta, Moleipa aohkhopa deikua cha a pakhâ ha tyh.

Khisô vaw pathli ta, Moleipa y khao leipa ta, Mosiapa deikua cha chhâzaw lôbô a châ.