Popular Bible Verses from BIECHHOTUHPA 8

Share

Chavâta chyhsapa châta hro lyna hnei awpa ei khokhei. Noh ry liana heta niepa ta doh ta, a lypa ta y awpa hlâta a pha viapa chyhsapa châta y vei. Chatanachata noh ry liata Khazohpa ta a piepa a hro chhôh noh zydua liata, alyna chôta a hriapasa lymâ thei aw.

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

Chyhsapa cha a phaohri ta vi hra sala, hmo to a daihti hnei ta, a taozie a hnei khai.

Ahy hmahta husona patu theina hmotaotheina hnei leipa ei ta, thina noh chô liata bie a hnei theipa y hra veih ei. Adyuhna a y ngâ nota cha, ahy hmahta a pheisaih rai pahâsa thaipa a châ leipa hawhta, moleina ta moleina a taotuhpazy cha papua aw vei.

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

Alei chô liata hmo a ypa hraoleipa y ta. Mosiapazy ta moleipazy hmotaopa ty phaoh ei ta, moleipazy ta mosiapazy hmotaopa byhnâ ama to. Cha chhao cha hraoleipa deita a châ tahpa ei pahno.

Hmo a vaw y awpa a pahno chhieliepa y veih ei. Chavâta hmo a vaw y awpa kyh chyhsapa hnohta ahy ma a chho thei aw?