Popular Bible Verses from BIECHHOTUHPA 9

Share

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

Tihu buakha a vaw lâ ta a lei heihpa hawhta, Khazohpa ta noh ry liata noh chyhta a cha piepa liana heta, na kyhpachâpa na lapinô hnohta na hro a lypa ta hmâh mah y. Cha cha na hro chhôh ta na tovyuh châ ta, noh ry liata na hriapasana lymâ a châ.

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

Sona cha adyuhna chariah chhaichhizy hlâta pha via ta, châhrasala moleipa pakha ta hmo phapa hluhpi a parao tyh.

Ahrupazy hry liata ao paro ngaitapa ta ryureituhpa awhpa hlâta cha, asopa ta a notata bie a reipa nathlie a pha via.

Ahrohpazy cha ama thi awpa a pahno ei ta, athipazy deikua cha khâpa hmah pahno khao veih ei. Chavâta lymâ ama dao awpa y khao leipa ta, ama moh chhao mypa ta a y.