Popular Bible Verses from BIECHHOTUHPA 7

Share

Hiehâhna cha ahrupazy palôh liata riehmo a paryhpa châ ta, Chavâta hiehâh awpa ta na palôh a para khah y.

Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

Hmo chhâna cha â thaona hlâta pha via ta, Palôh maoh oh theina cha palôh laipa hlâta a pha via.

Alei chô liana heta chyhsa siapa, A molei beih leipa pakha hmah y veih ei.

Sôh ta a pabohsapa hawhta, Sona chhao abohna châ ta; Sona a hneipa ta a hrona a pabohsapa he, Pahnona phahnaina a châ.

Sathaw sôhpa hlâta moh phana pha via ta, Pi noh hlâta thi noh a pha via.

Ahrupazy hla sapa nathliepa hlâta cha, Asopazy chhoreina nathliepa a pha via.

Kyhchhi a hlaopa hlâta, Mâchhiesana o lâ vawpa a pha via; Cha cha chyhsa zydua chhâna noh châ ta, Ahrohpazy ta ama palôh liata ama khô awpa a châpa vâta.

Asopa palôh cha mâchhiesana o liata y ta, Ahrupa palôh deikua cha alyna o liata a y.