Popular Bible Verses from Rom 11

Share

Wonnu maama nwoŋi Wɛ tei mo, ye o jege te maama o nia. Te maama maa jege kuri te pa‑o. Wɛ maŋe de zula se ko taa vei wuu. Ameena.

Maane-na á nii Wɛ zaane dem na tiini de daga tei! O boboŋa maa tiini ya lira, de o yeino kom de. Nɔɔn-nɔɔno bá wane o lɔre o boboŋa na jaane tei to naa o lɔre chwei selo o na tɔge to.

“Wɔ mo yi se o wane o lɔre Baŋa Wɛ boboŋa, naa o bere‑o o na wó ke tei?

Ko ta ye bedwe mo de zem maama. Kɔgɔ fenfee ta mo daare, Wɛ na tɔge o zaane dem ŋwaane o kuri balo to. Wɛ nam na dɛ o zaane dem baŋa ne o kuri-ba to, ko bere we ko dae ba kikia ŋwaane. Ko ya ná ye ba kikia ŋwaane mo o kuri-ba, ko bá taa ye o zaane dem mo o pɛ-ba zɛɛra.

Isarele tiina bam nye de Olivi tio ba na jeiri gaare wone to. Ko ye nenɛɛne Wɛ bwori tio kom konto nɛ sedaara o yage, ye o daare o kwei Olivi tio kolo na wo gaao wone to naga kadwoŋi o twoŋi o gwaane nɛ sedwonna sem wone. Nmo wolo na ye dwi-gɛ tu to nye de naga kam konto mo. Nmo laam wori ye n tɔge n nae tio kom kugu kom nyoa kam. Nmo nam yé ta‑n gwooni nɛ selo na bwori se yage to. Nmo ná boŋe se n bere n tete konto, se n ta‑n yei we, ko dae nmo mo pae tio kom kugu kom wori ye ko zega. Ko ye kugu kom mo jege nmo ko teila.