Popular Bible Verses from Rom 12

Share

Á yé pa se á boboŋa taa tɔge nabiina chwei sem. Pa-na se Wɛ pipiri abam de o na pɛ á jege boboŋ-doora tei to. Abam laam wó ba á lɔre Wɛ boboŋa na lage se á ke kolo to, ye á lɔre we ko tiini ko lana chekke ye ko pwoli o wo.

A nu-bia bam, Wɛ na tiini o jege abam ŋwaŋa konto to, a lwoori abam se á kwei á tete á ke kaanem á pa Wɛ ye á daa ta ŋwe, se ko pwoli o wo lanyerane. Konto mo ye zulim delo na maŋe se á ke á pa‑o to.

Á na jege Wɛ teena tei to, se á ta‑á jege wopwolo ko ŋwaane. Cham ná tu abam baŋa, se á vɔ pu-dɛa. Kwaane-na á ta‑á lwoori Wɛ lanyerane.

Abam nam yé pa se lwarem wane abam. Ta‑á tɔge-na keim-laaro se te wane lwarem dam te chɔge.

Á na ye nu-bia Yezu ŋwaane to, se á ta‑á jege da-swono konto dwoŋi. Á ta ta‑á swoi da-zula.

Á yé ta‑á jege ni-zɛ ni-zɛ de á na jege nɔɔna swono tei to. Nam ta‑á chuli-na wo-lwanno maama, se á daare á ta‑á jege wo-laaro á bochara ne.

Kwaane-na lanyerane se á ta‑á zoore dedaane nɔɔno maama de ywoni, ne á na wae tei to.

A badwoŋ-swonnu bam, á yé ke á boboŋa ne se á jwoori á chɔge balo na ke lwarem ba yage á yuu ne to. Nam yage-na se Wɛ ban-zɔŋɔ kom ba ba baŋa. Ko popone Wɛ tɔnɔ kom ne we: “Amo Baŋa Wɛ mo wó jwoori a ŋwe nɔɔna keim-balwaaro jene, pa se ba na kolo na maŋe de-ba to.”

Á na toŋe á pa Wɛ tei to, á yé pa se jawɔrɔ ja abam. Kwei-na á bochara maama á ta‑á ma á toŋa á pa dé Teiru wom.

Wɛ na pɛ-ne o zaane dem se a taa ye o tontoŋeno to, a lage a ta de abam maama se á yé ta‑á boŋe kamunim á pa á tete se á ta‑á dwoi á na maŋe á ye tei to. Á nam boŋe á nii se á lɔre totoŋe delo Wɛ na lage se á ke to, se ko maŋe de o na pɛ abam dedoa dedoa jege wo-dedoa ye ka mae tei to.

Nɔɔno ná ke lwarem o yage á yuu ne, se á yé jwoori á ke‑o konto dwoŋi. Nam kwaane-na se á ta‑á ke kolo na tɔge chwoŋa nɔɔna maama yia ne to.

Ta‑á jege-na boboŋe dedwe á pa daane. Á yé ta‑á bere á tete. Gwooni-na á tete se á ta‑á zoore de nabwona. Á yé ta‑á boŋe kamunim á pa á tete.

Ko nam ta popone we: “Nmo dono kana ná wɔe, se n pa‑o wodiu se o di. Na-nyɔm ná jege‑o, se n pa‑o na se o nyɔ. Kikia yam konto wó pa se chaveera tiini ya ja‑o, ne Wɛ zeiŋi mini mo o yuu ne to.”

Ko ná ye balo na jege abam ba bɛɛse to, se á sɔɔle Wɛ swolim á pa-ba. Á nam yé sɔɔle lwarem á chɔge-ba. Ko ná ye balo na jege wopwolo to, se á tɔge á ta‑á jege wopwolo. Ko ná ye balo yi-nyɔna na jege-ba to, se á pa á yiga de nyɔne de-ba.

Pɔɔre-na á wonnu á pa balo na ye Wɛ nɔɔna ye yiniga jege-ba to. Ta‑á jeeri-na nɔɔna á sam ne lanyerane.

Nabiinu yera ye woŋo dedoa mo ye ya laam pɔɔre teiri teiri. Ya daa maama jege ka totoŋa mo. Ko nam ye bedwe mo de debam balo na me de Yezu Krista to. Dé tiini dé daga ye dé nam ye kɔgɔ dedoa. Debam maama dedoa dedoa maa toŋa dé woli daane.