Popular Bible Verses from Gurim 7

Share

Konto na kɛ to, a ma daa nii a na nɔn-kɔgɔ na tiini ko wora, ye nɔɔn-nɔɔno bá wane nɔɔna bam o ga o ti. Nɔɔna bam konto nwoŋi paare dim jei sem maama wone, de nabiina dwi maama wone, de teene maama wone, de taana dwi maama tiina wone mo. Ba maa zege paare yituŋu kom de Pipeila kam yiga ne. Ba zo gare-napwon-dedwaaro mo, ye ba daare ba zei konkwara vɔɔro ba jea ne.

Ba laam maa ŋɔɔne baŋa baŋa de kwor-dɛa ba we: “Debam Tu Wɛ mo jei paare yituŋu kom baŋa ne. Pa-na dé tei‑o, o na vere debam lɛɛro wone o yage to ŋwaane, ye dé tei Pipeila kam de.”

Kokuri Pipeila kam na wo paare yituŋu kom jei sem tetare ne to wó taa nii ba baŋa ne, ne ka ye nayero mo tei. Ka nam wó tɔge ba yiga ka ja-ba ka vo buli selo na na pae ŋwea to se ba nyɔ. Wɛ nam wó weeri nɔɔna bam maama yi-na, se ba daa yé taa jege yi-nyɔna.”

Konto nam mo pɛ banto ba ba zege Wɛ paare yituŋu kom yiga ne, ye ba toŋe ba pa‑o wea de tete maama o sɔŋɔ kom ne. Wolo wom nam na jei paare yituŋu kom baŋa ne to wó pa ba jeini o woro ne. Kana daa bá fɔge ka ja banto. Na-nyɔm de nam bá ja-ba. Wea nam daa bá ja-ba, naa fonyogo.

“Zege-na. Á yé chɔge tega baŋa, naa naneo kom, naa teeni dem de. Nam cheigi-na se dé ná tu dé la dé Tu Wɛ tontoŋena bam gwona ba tira ne, se dé daare.” Amo laam ma ba a lɔre balo na lage Wɛ gwona yam to ni na mae tei to. Ko ye nɔɔna morro bi de finna-tena (144,000) mo laga Isarele tiina dwi dem maama wone.