Popular Bible Verses from Gurim 6

Share

A ma nii a na sisein-fufunu na zege da. Wolo na dɔge ka baŋa ne to yere mo ye Toone. Wolo yere na ye Churu to maa tɔge‑o o nɔne o nagwola. Ba ma jwoŋi dam se ba go nɔɔna bana maama wone nɔɔno dedoa. Ba jege dam se ba pa jara mo go nɔɔna badaara, se ba pa kana de go badaara, se jaweo de go badaara, se ba daare ba pa kago-vara de go badaara.

Amo ma nii a na siseiŋ-pwoŋa na zege da. Wolo na dɔge ka baŋa ne to maa zei taŋa. Ba ma pu paare yipuga o yuu ne. O laam ma nwoŋi se o vo o mage jara o di.

Pipeila kam laam ma kore maao kolo na ke tenu to. Amo laam ma na Wɛ kaanem bimbini dem, ye a na balo ba déem na go Wɛ chwoŋa kam tɔgem ŋwaane to jworru na wo de teiŋa ne. Banto na kwaane ba bere Wɛ chega kam to ŋwaane mo ba déem go-ba.

Ba ma ŋɔɔne baŋa baŋa ba we: “Dam-fɔrɔ Tu Baŋa Wɛ, nmo ye wo-pwoŋo tu mo de chega tu. Yé dáane se n laam di logo baŋa nabiina taane, se n daare n waare-ba, ba na go debam to ŋwaane.” Ba laam ma kwei gare-napwon-dedwaaro ba pa ba maama. Ba ma ta-ba ba we, “Zuri-na á yera se á kɔgɔ kom laam ba ko puli ko ti. Kokuri á dwonna ta daare logo baŋa ne, balo na maŋe se ba woli á kɔgɔ kom wone to. Banto ye balo de na toŋe ba pa Wɛ to, ye nɔɔna wó go-ba, ne ba na go abam tei to.”

Amo daa ma na siseiŋa kadwoŋi ka na nwoŋi ye ka ye naseŋa muri-muri. Wolo na dɔge ka baŋa ne to ma jwoŋi dam se o ba o chɔge ywoni logo baŋa ne, se nɔɔna bam taa mage jara ba go daane. Ba ma kwei se-zɔɔ-polɔgɔ ba ke o jeŋa ne.

Kokuri to, dɛ dem yia se ba bane zaŋe debam nabiina baŋa ne, ye nɔɔn-nɔɔno daa bá wane o lu.”

A ma na Pipeila kam daa na kore maao kolo na ke teredo to. Tega kam laam maa tiini ka ziziŋa. Wea kam ma ji nazwono tim-tim, ne gare-zwono tei. Chana kam maama ma ji nasoŋo chwɛ-chwɛ, ne jana tei. Chalechwe sem ma siiri se toe tega ne, ne vo-dɛɔ mo na sugi kapera ko pa ya siiri tei to.

Pipeila kam daa ma kore maao kolo na ke tetɔ to. A ma ni woŋo kolo na ŋwe ye ko ke tetɔ to na tage ko we, “Ba ywo.” A ma nii a na sisein-zwono na zege da. Wolo na dɔge ka baŋa ne to maa zei luu kolo ba na maa maŋe wonnu dunni ba nii to. Amo ma ni dɔnem na nye de kwora ye ka nwoŋi wonnu tena tem na ŋwe to tetare ne ka we: “Nmo ná lage bworobworo muni bɔŋa dedoa yerane, n wó ma n dɛ wone ŋweero maama mo n yeigi. Kamaana muni bwɛ setɔ de maa wó yeigi konto dwoŋi. Ko nam ná ye nuga kam de sana bam, se n yé ja konto n chɔge.”

Wɛyuu kom ma piri ko kɛ, ne nɔɔno na piri sara tei to. Ko daare logo baŋa peero maama de tega kalo maama na wo naneo tetare ne to ma fɔɔre te tiga jei ne. Logo baŋa nɔɔna maama laam ma kɔre foone. Ko ná ye logo baŋa pwa, de dedɛɛra, de jar-keira yiga tiina, de naduna, de nɔn-kamuna, ko woli de kabɛ, de balo na tei ba tete to maama, ba maama fona ye ba duri ba vo ba seigi ba tete peero bɔɔna de gugworru wone.