Popular Bible Verses from Gurim 10

Share

Malese serepɛ tu wom ná lage o ba o wu o nabɔnɔ kom wɛɛne to, Wɛ boboŋa yalo ya na seigi to laam wó ba ya ke ya ti. O sampwori selo déem na tɔɔle o kwora to maŋe ba lɔre o boboŋa yam konto.”

Ba laam ma ta ba bere-ne ba we, amo daa taa jege se a tɔɔle Wɛ kwora kam se ko vo logo baŋa dwi tiina dedɛ seeni, de teene dedɛ seeni, dedaane taana dwi dwi tiina dedɛ de ba pwa de seeni.

Amo daa ma nii a na maleka kadwoŋi na tiini ka dana to. Ka ma nwoŋi Wɛ telaao ne ka maa tua. Ka mɛ kunkwoŋo mo ka kukwori ka yera, ye manlaataŋa kekare ka yuu seeni. Ka yibia nye de wea kam mo, ye ka nɛ sem nye de min-vogo na ye tei to.

A ma vo a ta maleka kam se ka pa-ne tɔn-balaŋa kam. Ka ma ta-ne ka we, “Jwoŋi tɔnɔ kom n kwei n di. Ko ná yi nmo kana, ko wó taa chamma. Ko nam ta ná wo nmo ni ne, ko wó taa sona ne tooro tei.” Amo ma kwei tɔn-balaŋa kam maleka kam jeŋa ne a de a ni ne. Ka maa sona ne tooro tei. Ko daare, amo na ligi-ka to, ka ma leiri ka ji cham yerane a kana ne.