Popular Bible Verses from Yiga tiina 7

Share

BAŋA Wɛ déem ma ta Gideon o we, “Nɔɔna balo na tɔge nmo kwaga to tiini ba daga. A ná di Midian tiina bam a pa‑m, nɔɔna bam wó taa jege kamunim ba pae ba tete we banto mo di-ba. Ba bá pa a na a zula.

BAŋA Wɛ laam ma ta Gideon o we, “Amo lage a tɔge nɔɔna bia yatɔ yanto baŋa ne mo a jwoŋi n nɔɔna bam maama a yage, se a daare a kwei Midian tiina bam a ke n jeŋa ne se n di-ba. Ta balo maama na daare to se ba jwoori sɔŋɔ.”

Konto to, ta n bere nɔɔna bam maama we, wolo ná fona, se kotu jwoori o viiri o daare debam.” Nɔɔna morro finlei-telei (22,000) ma jwoori sɔŋɔ, ye morro fuga (10,000) maŋe Gideon tei ne.

BAŋA Wɛ ta ma ta Gideon o we, “N nɔɔna bam ta tiini ba daga dedɛ. Ja-ba n vo buga kam seeni se a pɔɔre balo na wó tɔge nmo to a pa‑m. Amo na wó ta wolo we, o da dede‑m se á vo á kwaare jara yam to mo wó vo, se a ná we wolo bá vo, kotu dae se o tɔge.”

Gideon ma ja nɔɔna bam maama o vo buga kam. BAŋA Wɛ laam ma ta‑o o we, “Maane balo na wó lagese na bam nenɛɛne kukura na ke tei to, dedaane balo de na wó kuni ba nadwoona tega ne ye ba nyɔ na bam to, se n pɔɔre-ba daane.” Konto na ke to, nɔɔna bia yatɔ (300) déem mo mɛ ba je ba kase na bam ba nyɔ. Balo maama na daare to kuni dwoona mo tega ne ye ba nyɔ na bam.