Popular Bible Verses from Yiga tiina 6

Share

BAŋA Wɛ maleka kam déem ma yi Gideon tei ne ka we, “Nmo tiini n ye bembea mo, ye BAŋA Wɛ de wo n tei ne.”

BAŋA Wɛ tete déem laam ma pa Gideon ni o we, “Véi n ma n dam dento n na jege to n toŋe, se n jwoŋi Isarele tiina bam n yage Midian tiina jeŋa ne, se amo tete mo toŋe‑m.”

BAŋA Wɛ ma leiri‑o o we, “Amo wó taa wo n tei ne, ye nmo wó chochoge Midian tiina bam maama nenɛɛne ba ye nɔɔno dedoa mo tei.”

Gideon ma leiri o we, “Amo tu, BAŋA Wɛ ná seene o wo dé tei ne, bɛ mo ye kikia yanto maama jege ya ke dé yera ne? Wo-kenkagela yalo dwi dé kwoa bam na maŋe ba bere debam we o toŋe ba tetare ne to daa wo yein-seeni mo? Ba déem ta bere debam we, BAŋA Wɛ mo jaane-ba o ja o nwoŋi Ejipti ne. Leile nam, BAŋA Wɛ dole debam mo o yage, o daare o ke debam Midian tiina bam jeŋa ne.”

Gideon ma leiri o we, “Amo Teiru, amo lage a ke tetɛ mo a jwoŋi Isarele tiina bam a yage? Debam diga kam mo tiini ka bwona Manasɛ dwi dem wone. Amo ta ma tiini a ye balaŋa dé diga kam nɔɔna maama wone.”

BAŋA Wɛ maleka kam ma vo ka jei tei-zɔŋɔ kom na wo Ofera ne to kuri ne. Ko ye Abizeri tu Joasa nyem mo. O bu Gideon maa zege da o fere banina peo gwoŋo wone. Ba déem yeini ba nɔne Vini tio-bia mo gwoŋo kom konto wone. Gideon déem nam ke konto se o seigi mena yam Midian tiina bam yiga ne mo.

Gideon déem ma lɔ bimbini se o ma zuli Wɛ jei sem konto ne, ye o bwoŋi-de we, ‘BAŋA Wɛ ye Bochare-zuru Tu mo.’ Bimbini dem konto ta wo Ofera ne, mɛ na ye Abizeri sɔ-yuu tiina nyem to mo.

Gideon ma ta o we, “N yi ná seene de su amo kikia, se n ke wo-memaŋe n bere-ne. Konto wó pa se a lɔre we nmo BAŋA Wɛ mo ŋɔɔne de amo.

BAŋA Wɛ ma ta‑o o we, “Pa n bochare zuri! Yé ta‑n fona, se n bá‑n te.”

Isarele tiina bam déem daa ma toŋe lwarem ba chɔge BAŋA Wɛ yiga. O ma kwei-ba o ke Midian tiina jeŋa ne, ye ba pa se ko zo Isarele tiina bam yera bena yarepɛ.