Popular Bible Verses from Jemsi 4

Share

Ko nam na ye konto to, kwei-na á tete á ke Wɛ jeŋa ne, se á daare á ve setaana pɛ wom, se wonto wó duri o viiri á tei ne.

Fofɔ-na á twɛ Wɛ tei, se o de wó taa bwola de abam. Sane-na á je á yage á wo-lwanno kikia yam. Kwɛ-na á bochara se á daa yé ta‑á jege woro telei.

Tu-na á tete dé Teiru wom yiga ne, se o laam wó ja abam o pa á zaŋe.

Wɛ nam mo ke debam zaane se ko gaale. Ko ta popone we: “Wɛ ve balo na bere ba tete kamunim to, ye o daare o ke zaane balo na tu ba tete to yuu ne.”

Konto to, nɔɔno wolo ná yei kolo na lana se o ke to, ye o ná wo ke, kotu ke wɛleere mo.

Abam nam ná maŋe á lwoori wonnu Wɛ tei ne, á yeini á ba na-te, á na mae boboŋ-lwanno mo á lwoora to ŋwaane. Á lwoori se á ta‑á ma-te á ke á tete yerane boboŋa mo.

Á nwoŋi Wɛ kwaga ne mo na? Á nam yeiri we, á ná me de logo baŋa wonnu, á ye Wɛ dona mo na? Wolo maama na lage se o me de logo baŋa wonnu tem to wó ji Wɛ dono mo.

Á tɛ konto dwoŋi ye á yeiri tega na wó poore se á ŋwea taa ye tei. Á ŋwea nam nye de kunu mo. Ko wó li ye ko bá dáane ye ko jei.