Popular Bible Verses from Jemsi 3

Share

Ko nam ná ye swa yalo na seene ya nwoŋi Wɛ tei to, yanto mo tiini ya lana fase. Ya maa swoi se ywoni taa wora, ye ya tu ye nɔn-pwoŋo wolo na nege nɔɔna to. O maa jege o dwonna ŋwaŋa lanyerane, ye o ta ke keim-laaro de o woli da. O ba kuri nɔɔna daane de o na ke-ba tei to, ye nɔɔna yei o wo lanyerane.

A lage a ta woŋo de abam wolo maama na boŋe we o jege swa de yi-poro lanyerane to. Konto tu jege se o taa tɔge chwo-laao mo, ye o gwooni o tete o ke keim-laaro, ne ko na maŋe de o swa yam tei to.

Balo na swoi ywoni to wae ba woli ba dwonna se ywoni taa wo ba tetare ne. Nyɔɔre delo ba na wó na ba kikia yam baŋa ne to ye se chega mo taa toŋa.

Mɛ maama nɔɔna na lage ba yerane wonnu ye ba jege puseŋa de ba dwonna to, dáane mo kantɔgɔ de keim-lwanno dwi maama wora.

Dé yeini dé ma dento mo dé maa tei Wɛ wom na ye dé Teiru dedaane dé Kwo to, ye dento mo dé ta maa sɔɔle lwarem dé yage dé dwonna yuu ne. Wɛ nam ke banto pa ba jege o nyenyego. Konto to, teem de chɔgem maama nwoŋi ni dem konto dedoa wone mo. A nu-bia bam, ko wo maŋe se ko taa ye konto.

Nɔɔno dindeilimi de nam ye mini mo, ye logo baŋa wo-lwanno maama wo de tei ne. De maa ye yera yam daa dedoa mo, ye de wo-lwanno tem laam wae te lɔgese yera yam maama. Dindeilimi jege mini mo de maa zwɛ nɔɔno ŋwea maama pa ka chɔge, ye mini dem konto nwoŋi te-seŋa ne mo.

Ko nam ná ye dindeilimi, nɔɔn-nɔɔno tera o na wae o tulimi-de. De maa ye wo-lɔŋɔ kolo na ware ko che to mo, ye de kwori de jege chɔŋɔ kolo na goe nɔɔna to.

A nu-bia bam, abam dedɛ yé ta‑á kwaana se á ta‑á ye Wɛ kwora kam berena. Kolo ŋwaane á yei we, Wɛ borem dɛ dem ne ko wó taa tiini ko chana ko pa debam berena bam ko dwoi nɔɔna badaara.