Popular Bible Verses from Jemsi 2

Share

Wɛ chwoŋa tɔgem de ye konto mo. Nmo ná tɛ we, n ke n wo-dedoa de Wɛ, ye n laam daare n ba ke keim-laaro, ko bere we n Wɛ chwoŋa tɔgem dem ye kafɛ mo.

Konto maama bere we, nɔɔno Wɛ chwoŋa tɔgem ná ba jege keim-laaro, ko ye kafɛ mo. Ko ye bedwe mo de nɔɔno yera ná ba jege jworo, wonto ye too mo.

A nu-bia bam, nɔɔno ná tɛ o we, omo ke o wo-dedoa de Wɛ, ye o laam ba tɔge kikia yalo na maŋe to, ko jege kuri na? O Wɛ chwoŋa tɔgem dem konto wó wane de jwoŋi‑o de yage na?

N sɛ we Wɛ ye dedoa yerane mo na? N ná sɛ konto, ko lana. Setaana tete de maŋe ya sɛ konto mo, ye ko pae ya yera sae.

Nɔɔno wae o tɛ we, omo ke o wo-dedoa de Wɛ. Amo nam ke keim-laaro mo. Nmo na ba ke keim-laaro to, nmo nam wó ke tɛ mo n bere-ne we n seene n ke n wo-dedoa de Wɛ? Ko nam ná ye amo, amo wó kwei a keim-laaro tem a ma bere‑m we a sɛ Wɛ de wo-dedoa.

Kolo ŋwaane, Wɛ ná di wolo na ba jege o dwonna ŋwaŋa to taane, o bá duri konto tu de ŋwaŋa. Wolo nam na jege o dwonna ŋwaŋa to wó lɔre we, Wɛ duri nɔɔna ŋwaŋa se ba yé na waarem mo.

Konto wó pa á lɔre we, ko ye nɔɔno kikia mo pae o na chega Wɛ tei ne, se ko dae o na ke o wo-dedoa de Wɛ to yerane ŋwaane.

Ko bere we o Wɛ chwoŋa tɔgem dem dedaane o keim-laaro maama tɔge daane mo. O keim-laaro tem déem mo pɛ se o Wɛ chwoŋa tɔgem dem ji chega.