Popular Bible Verses from Galatia 5

Share

Ko daare Wɛ Sin-laao kom na pae se nɔɔna ye tei to, konto pae se nɔɔna jege swono mo, de wopwolo, de bochare-zuru, de ban-peno, de da-zula, de ka zeini daane, de wo-dedoa keim, de ka-taa-nege-daane, de ka-ja-n-tete. Ni-kaane nam tera de na vae keim-laaro tento dwoŋi.

Nam cheigi-na kolo kom a na lage a ta to. Pa-na se Wɛ Sin-laao kom taa cho abam Wɛ chwoŋa wone, se á yé ta‑á sɛ á tɔge wo-zɔɔna yalo á fera na zoore to.

Wɛ Sin-laao kom na pɛ dé na ŋwe-doŋa to, dé pa-na se ko taa cho debam dé ŋwea wone.

Ko ná ye debam balo na ye Yezu Krista nyem to, dé maŋe dé pa se dé tete boboŋa daa ba tei debam, se dé daa yé taa tɔge wo-zɔɔna yalo dé fera na zoore to.

Ko ná ye kikia yalo nabiina boboŋa na lage to, yanto wae ya lɔre jaja. Ya tɔge wo-zɔɔna keim de wo-digiru kikia yalo maama na tɔge ka-laga chwoŋa to mo. Ya ta tɔge jwona kaanem de liri kikia. Ya pae se nɔɔna chuli daane ye ba jaane daane. Ya maa pa-ba puseŋa, de ban-zɔŋɔ, ye ba lage kamunim ba pa ba tete. Ya maa pae se nɔɔna pɔɔre daane yera yera. Ya daa ta pae se nɔɔna wo gweena de ba dwonna, ba daare ba ye sa-nyɔra, ye ba ke poweeni de. Ya maa daare ya pae se ba ke wo-yɔɔro tedaara konto dwoŋi. Amo nam ta wó fɔge a kaane abam a woli da we, abam balo na yeini á ke wonnu tento dwoŋi to bá tɔge á na jeiŋa jei Wɛ paare dem wone.

A nu-bia bam, Wɛ na bwoŋi abam se á ta‑á tɔge‑o to, ko ye se á laam ta‑á tei á tete mo. Á na seene á tei á tete konto to, á nam yé pa se á kikia taa tɔge wo-zɔɔna yalo maama á fera na zo to. Nam ta‑á yei-na se á ta‑á tɔge swono chwoŋa se á ta‑á ma woli daane.

Kolo ŋwaane debam nabiina boboŋa na lage kolo to ba jege fera ko pa Wɛ Sin-laao kom. Wɛ Sin-laao kom de fera na zoore kolo to de nam ba jege fera debam boboŋa wone. Ko maa bere we wonnu tem konto telei boboŋa ware ya maŋe daane. Ko ma pa se dé daa ware dé boboŋa wonnu dé ke.

Kokuri Wɛ nia yam maama bere woŋo dedoa mo we, nɔɔno maama jege se o taa swoi o dwoŋi se ko maŋe de o na swoi o tete tei to.

Dé nam yé bere dé tete de dé dwonna, se dé yé lwɛ-ba, naa dé ke-ba puseŋa.

Yezu Krista na jwoŋi debam o yage to, ko ye se dé taa tei dé tete mo. Konto ŋwaane, á fɔge á che á tete se á daa yé sɛ á tɔge chwoŋa kalo na wó pa á jwoori á ji kabɛ.