Popular Bible Verses from Galatia 6

Share

Konto ŋwaane, dé nam yé pa se jawɔrɔ zo debam se dé yage wo-laaro keim. Dé ná fɔge dé zege konto dwoŋi, dé laam wó ba dé na nyɔɔre delo na lana to.

Konto ŋwaane, dé ná nɛ chwoŋa maŋa de maŋa, dé jege se dé taa ke wo-laaro mo dé pa nɔɔna maama, ko fɔge ko dae dé nu-bia balo de na jege wo-dedoa de Yezu Krista to.

Ta‑á woli-na daane se á ta‑á yaara á pa daane. Á ná yeini á ke konto dwoŋi, á wó ta‑á tɔge Yezu Krista ni dem o na bere to.

Á yé gane á tete, se nɔɔn-nɔɔno bá wane o kwoli o na ke kolo to Wɛ yiga ne. Nɔɔno kikia na wó pa o na nyɔɔre delo to nye de valo na dugi o kara, ye o jege se o jwoori o ba o zage wonnu telo dwi o na dugi to mo.

Nɔɔno nam ná tɔge kikia yalo o tete boboŋa na lage to yerane, o nyɔɔre mo wó taa ye toone na wó chɔge‑o to. Ko daare nɔɔno nam ná tɔge kikia yalo Wɛ Sin-laao kom na pɛ‑o se o taa ke to, konto tu nyɔɔre mo wó taa ye Wɛ ŋwe-doŋa kalo o Sin-laao kom na wó pa‑o to.

A nu-bia bam, á ná lɔre we nɔɔno ke keim o tusi, abam balo na jege Wɛ Sin-laao kom dam to wó pa se o jwoori o tɔge chwoŋa, ye á ta zuri á yera se á ta‑á nege‑o. Á nam ta‑á yei á tete, se ko yé wane ko soge abam se á de tɔge á tusi.

Abam wolo ná bere o tete kamunni ye o dae kolokolo, konto tu gane o tete mo. Nɔɔno maama jege se o taa nii o tete kikia na ye tei to mo. Konto tu nam ná nɛ we o kikia yam lana, o laam wó wane o taa jege teera de o tete na ke kolo to, ko dae se o kwei o maŋe de o dwoŋi kikia na ye tei to. Kokuri nɔɔno maama jege se o kikia taa tɔge o tete na ye tei to mo.