Popular Bible Verses from Nia Gulim 11

Share

Pa-na se á bia de lɔre-ya. Ta‑á tɛ-na ya taane maŋa maama, nenɛɛne á ná jei sɔŋɔ ne ye á lara, naa á ná tɔge daane á vei chwoŋa yuu ne, ko ta woli de á ná peini tete ne, naa á ná zaŋe zezeŋa maama ne.

Ta‑á guli-na Wɛ nia yalo a na bere abam to se á ke-ya á bochare ne. Lwoni-na-ya á tiŋi tɔnɔ ne se á daare á vɔ-ya á je ne, dedaane á tira ne, se á ta‑á guli ya gula.

Konto to, á jege se á sɛ Wɛ nia yalo amo na bere abam zem to, se á daare á ta‑á swoi á Tu BAŋA Wɛ wom ye á toŋe á pa‑o de á bochare dedaane á wo maama. Á ná ke konto, BAŋA Wɛ we, o laam wó toŋe doa pa se ka ne ka maŋa ne, duum de kwea wɛɛne. Tega kam wó ke wodiiru dedɛ se á na mena, de sana, de nuga maama.

“Konto to á jege se á ta‑á swoi abam Tu BAŋA Wɛ wom mo. Ta‑á toŋe á tɔge o nia yam, de o chullu tem, de o bera yam maama.

Nii-na! Amo zem kwei Wɛ swolim dedaane o sɔɔlem mo a tiŋi abam tetare ne, se á wane á kuri kolo á na lage to. Abam ná sɛ á tɔge Wɛ nia yalo amo zem na pɛ abam to, Wɛ wó swɛ abam swolim. Á nam ná ve o nia yanto ye á zuli dwi-gɛ tiina wa-yɔɔro tem, Wɛ wó sɔɔle lwarem mo o yage á baŋa ne.

Popone-na-ya á tiŋi á di sem ni-bworru tem ne, se á daare á ta popone-ya á yage á manchwo-nia dɛ sem ne. Ke-na konto se abam de á kwaga kam wane á zo tega kam ne á dáane. Ka maa ye tega kalo BAŋA Wɛ na gwoni ni de á nabaara bam se o pa-ba to, ye á wó ta‑á tei-ka taa wuu, se ko maŋe de wɛyuu de logo baŋa ta na wora maŋa kalo to wone.

Nam ta‑á yei-na se ba yé soge abam se á ywori BAŋA Wɛ kwaga ne á daare á ta‑á zuli wa-yɔɔro ye á toŋe á pa-ya.