Popular Bible Verses from Nia Gulim 10

Share

Konto to, Isarele tiina bam, kikia dwi dɔ mo abam Tu BAŋA Wɛ wom beeri á tei ne? Ko ye se á ta‑á kɔre á Tu BAŋA Wɛ wom, se á ta‑á tɔge o chwei sem, se á ta‑á swoi‑o lanyerane, se á daare á ta‑á toŋe á pa‑o de á bochare de á boboŋa maama mo, ye á toŋe á tɔge o nia de o bera yalo maama amo na pɛ abam zem to. Á ná seene á ke konto dwoŋi, á ŋwea wó ke lanyerane ko pa abam.

Kokuri, abam Tu BAŋA Wɛ wom mo tei wa maama. O maa ye yuu tiina maama Yuu-tu. O ye Wɛ kamunu ye o tiini o jege foone. Wonto nam ba kuri nɔɔna daane de o na bore ba bora tei to ye o ba jwoŋi dim.

Konto to, kwɛ-na á bochara ne Wɛ na pɛ abam ni se á ke tei to, se á daa yé ke zwabania.

Ko ná ye botara de kadeina, o yeini o toŋe de chega mo o pa-ba. O ta kwori o swoi veira balo na zoore á wone to, ye o woli-ba de wodiiru de gwaaro.

Wonto mo ye wolo á na jege se á ta‑á tei‑o to. O toŋe wo-kenkagela na jege foone to á yibia ne se o ma jwoŋi abam.

Ta‑á kɔre-na á Tu BAŋA Wɛ wom ye á toŋe á pa‑o. Ta‑á sale-na wonto. Á ná gwoni ni de nɔɔno, se á ma BAŋA Wɛ yere dem yerane á du duuri.

Chega ŋwaane to, abam Tu BAŋA Wɛ wom mo tei wɛyuu baŋa kam maama, dedaane logo baŋa de kolo maama na wo ko wone to.

Abam de jege se á ta‑á swoi veira mo, á de déem na ye veira Ejipti teo kom ne to ŋwaane.