Popular Bible Verses from Nia Gulim 1

Share

Se abam Tu BAŋA Wɛ wom wó tɔge abam yiga se á vo. Wonto mo lage o jaŋe o pa abam, nenɛɛne á déem na nɛ o na toŋe tetei maama o pa abam Ejipti ne to. Kagoa kam yuu ne de, abam daa ta nɛ BAŋA Wɛ na nii á baŋa ne tetei maama to. O maa jege abam konto mo ga taa, o ba o yi ywo-seeni, nenɛɛne kwo na jege o bu ye ba via chwoŋa yuu ne tei to.’

BAŋA Wɛ nam gwoni ni dedaane dé nabaara bam we o wó pa se dé puli dedɛ. Wɛ wó swɛ abam swolim se o pa á dwi dem puli kuni moro mo.

“Debam ya ta na wo Sinayi Peo kom teiŋa ne to, mo debam Tu BAŋA Wɛ tage debam o we: ‘Abam tiini á jeini ywo-seeni á dáane.

Nii-na ywo! Amo BAŋA Wɛ kwei tega kanto mo a pa abam. Laam zo-na ka wone á kwei-ka á ta‑á tei, se amo déem maŋe a gwoni ni mo de abam nabaara Abaraham, de Izaak, de Jakob se a kwei tega kam konto a pa-ba se ba de ba kwaga kam taa tei.’ ”

Ko ná maŋe ko ye naduna naa nabwona de, se á yé kuri-ba daane de á na bore ba bora tei to. Ko dae se abam taa kɔre nɔɔna yia de taane dim. Ko ye Wɛ mo wó pa se á na boboŋa se á bore chega bora. Taane delo nam ná dana de dwoi abam jaanem, se á ja-de á ba á pa amo se a nii de baŋa ne.’