Popular Bible Verses from 1 Jɔn 5

Share

Dé wó taa jege baare Wɛ yiga ne, kokuri dé yei we, dé ná lwoori woŋo o tei ne ye ko tɔge o boboŋa, o wó cheigi dé wɛ-lworo kom.

Dé yei we Wɛ yeini o sɛ debam wɛ-lworo kom, ne ko ná ye tei maama. Konto ŋwaane dé yei we dé wó jwoŋi woŋo kolo dé na lwoori o tei ne to.

Dé na wó taa jege Wɛ swono tei to mo ye se dé taa tɔge o nia yam. O nia yam tɔgem bá taa chana ya pae debam, kolo ŋwaane Wɛ bia maama jege dam se ba chɔge logo baŋa wo-lwanno chwei sem. Ko ye debam na ke dé wo-dedoa de Yezu tei to mo wó pa dé na dam dé wane wo-lwanno tem konto.

Wolo maama ná me de Wɛ Bu wom, konto tu mo jege Wɛ ŋwea kam konto. Wolo nam ná ba jege meem de Wɛ Bu wom, konto tu ta wo nɛ ŋwea Wɛ tei ne.

Amo popone wonnu tento maama a pa abam balo na ke á wo-dedoa de Wɛ Bu wom to, se á lɔre we á seene á na ŋwea kalo na ba jege kweelim Wɛ tei ne to.

Dé yei we wolo maama na ye Wɛ bu to ba yeini o ke wɛleera, kolo ŋwaane Wɛ Bu wom tete mo nii wonto baŋa ne pa se wo-lwanno tu setaane bá wane‑o o chɔge.