Popular Bible Verses from 1 Korinti 11

Share

Ba na di ba ti to, o daa ma kwei zoŋa, ye o ta ke konto dwoŋi. O maa we, “Zoŋa kam bere we, Wɛ tɔge amo jana bam ŋwaane o gwoni ni-doore dedaane nabiina mo. Maŋa maama á ná lage á nyɔ konto dwoŋi, se á ke amo na ke tei to, se á ma á guli amo gula.” Kokuri to, maŋa maama á ná di bworobworo konto dwoŋi ye á nyɔ zoŋa kam wone, á ke á bere nɔɔna mo dé Teiru wom toone dem na ye tei. Ta‑á ke-na konto se ko taa vei maŋa kam o na wó jwoori o ba to.

Amo lɔre dé Teiru Yezu gula wodiu kom dim chega kam o tete tei ne mo, ye a daare a bere abam chega kam konto, nenɛɛne Yezu na ke kolo dɛ dem ba na boŋe se ba ja‑o to. Tete dem konto ne o ma kwei bworobworo, ye o ke Wɛ lei ko ŋwaane o daare o ja-ko o fɔ fɔ. O ma ta de o tontoŋena bam o we, “Amo yera yam mo tento, ya na ye abam nyem. Ta‑á ke-na konto dwoŋi se á ta‑á ma á guli amo gula.”

Konto ŋwaane to, nɔɔno maama jege se o taa yei o tete mo yiga, se o laam di bworobworo kom o daare o nyɔ zoŋa kam wone. Nɔɔno wolo nam ná di ye o kwori o nyɔ, ye o ná wo lɔre dé Teiru Yezu yera yam kuri chekke, konto tu vaŋe taane mo o pa o tete, de o na di ye o kwori o nyɔ tei to.

Ko na ye konto to, nɔɔno wolo ná di dé Teiru wom gula bworobworo kom naa o nyɔge zoŋa kam wone, ye o ke ne o yiga tera ko wone mo tei, konto tu ke keim-balɔrɔ mo o ma yaale dé Teiru wom yera yam de o jana bam.

Ta‑á lwoni-na amo kikia, ne amo na lwoni Yezu Krista tei to.