Popular Bible Verses from Hepreyer 4

Share

Wayl em Hërkot sayn wort is leewent un mechtich, mee wii en xwaart woo uf te tswaay sayte xnayt. Tas keet pis ans tiifste plats fon te seel un fom kayst, keet pis ans inerxte fon te layt un julkeyert ti wunxe un ti ketanke fon tëne sayn hërts.

Tesweche, mise meyer klaawe un ticht an Hërkot sayne troon khome, woo em Hërkot sayne knaate is. Too woole meyer ti paarmhërtsichkheet kriin un te knaate aan trefe, imer wën meyer hilef prayche.

Unser Hooche Priister is net wii tii woo net khëne unser xwachheete ferxteen. Kraat es keeche teel, meyer hon en Hooche Priister woo aach fersuucht kep is soo wii meyer, awer hot khee sinte kemach.

Es kept niks woo mer ferxtekle khan fon Hërkot. In te kans kriatsioon, ales is uf ketekt un uf foer tëm sayn aue, un is mit tëm woo meyer al mise unser rechnunge ap mache.

Also, lost uns fest playwe im klaawe woo mer aan saan, wayl meyer hon en mechtiche Hooche Priister, Yeesus, Hërkot sayne Soon, tee woo in te aychne presëns fon Hërkot rin kang is.

Also, meyer mise ales mache fer tee ruu se kriin, un soo khee ëne fon uns playpt oone tas se kriin, wii es paseyert is mit tëne layt, wayl tii sich rewolteyert hon.