Popular Bible Verses from Hepreyer 5

Share

Awer tas ese fer auskewakste layt is khee pray, wayl tii wise, torich ti praksis, te unerxiit tswixe was kuut ore was xlecht is.

Noo soo lang tsayt, solt teyer xon mayster sin, awer mist noch yemant hon woo aych noch ti eyerxte lektsioone in lërne tuut fon Hërkot sayn unterichte. Anxtat fest naarung, praycht teyer noch milich. Un weyer milich prauch is noch en khint un hot khee eksperiëns fer se wise was richtich ore ferkheyert is.

Eyer waarr Hërkot sayne Soon, un toch must eyer lërne torich ti layte woo eyer mit kemach hot, sayne Fater aan heere. Un, tëm noo Hërkot iim perfekter kemach hot, is eyer ti kwel fon te eewich retung kep fer al tii woo iim aan heere.

Iwer sayn leewe hier uf te eyert, hot Kristus, in hat xtim un mit treene, fiile kepeete kemach fer Hërkot, woo iim rete khont fom toot. Un sayn kepeete sin aan keheyert kep, wayl eyer tetikeyert waar fer Hërkot.