Popular Bible Verses from Kolosenser 3

Share

Tuut aych net ayre eene mit em anere un fertsayert eene te anere, wën yemant etwas se klaache hot keeche en aner persoon. Soo wii te Hër aych fertsayert hot, fertsayert ti anere.

Tënkt ans tings fon uwe in te hee un net an tas woo hier fon te eyert is.

Was teyer mache tuut, macht tas mit ayer kans hërts, wii wën teyer te Hër am tiine weyert un net ti mënxe.

Teyer sayt em Hërkot sayn folek. Tee hot aych keliipt un hot aych aus kesuucht fer tsuu tëm keheere. Also, klayt aych mit paarmhërtsichkheet, mit kuutheet, mit humilteet, mit tsaatlichkheet un ketult.

Tas Kristus sayn mensaaj, mit sayn kans raychtum, leewe tuut in ayer hërts! Lërnt un untericht ëne te anere mit ale wisheet. Singt salme, hiimne un kaystliche liiter; loopt te Hërkot, mit tankpaarkheet im hërts. Un ales was teyer macht ore saat, macht tas im Hër Yeesus sayne naame un torich tëm tankt fer Hërkot, te Fater.

Un, iwer ales, mist liipe hon, wayl te liipe tuut ales perfektlich fereeniche.

Teyer waart witer peleept kep mit Kristus. Soo, tuut ayre interese ans tings woo fom himel is, woo Kristus uf te rechst sayt fon Hërkot sitst.

Un tas te friite woo Kristus kewe tuut aych lënke tuut in ayre pextimunge, wayl waar fer tee friite woo Hërkot aych keruuf hot, fer eene eensichste khërwer formeere. Un sayt tankpaar.

Tesweche, macht ti weltliche wunxe woo in aych wërke kaput, was mënt, ti seksual imoraliteet, ti unaanxtënichkheet, ti xlechte pasioone, ti xlechte wunxe un ti pekeerung, wayl ti pekeerung is en aart itolatrii.

Wayl teyer sayt xon kextorep, un ayer leewe is ferxtekelt mit Kristus, in Hërkot.

Awer yets pefrayt aych fon tëm ales: fom wuut, fon te pasioon un fon te has sentimënte. Un tas fon ayer munt khee een pelaytichung un khee unaanxtënich kexpreech raus khome sol.

Tuut khee liye aus xpreche, wayl teyer hat xon ayer alt natuer tsurik kelos mit sayn kewoonheete un hot aych mit en nay natuer keklayt. Tii natuer is te naye persoon woo Hërkot, ayre Kriator, imer am renoweere is tas se sich ferklayche khan mit iim selepst, tas teyer iim komplët khëne khënt.

Man, liip tayn fraa un say net krop mit tëm.

Khiner, ayre kristliche flicht is imer ayre eltre aan heere wayl Hërkot tas kërn hot.

Fraa, tuu tayne man aan heere, wayl tas is was tuu mache must wayl tuu en krist pist.