Popular Bible Verses from عبرانيين 12

Share

على ديك الشي حتّى حنايَ عندنا مجْموعة كبيرة د الشهود الّي دايرين بِنا، وْخصْنا نحيّدو كل التقال والدنب الّي كيلسق فينا بالسهولة، وْنجريو بالصبر في السباق الّي قدّامنا، نركّزو على يَسوع الّي هُوَ راس الإي‍مان والّي كَيْكمّلوْ. هُوَ، بْسباب الفرْحة الّي كَتْـتسنّاه، تحمّل الصليب وْحڭر الحشومة، وْدابا هُوَ ݣالس على الّي‍مين د عرش اللّٰه.

حتّى واحد ما كيفرح بالتأديب في وقتو وْكيحزن، وَلكن من بعد، الّي كانو مربّـيين بِه، كَيْعطيهُم غلّة السلام والتقْوى.

تبعو السلام مع الناس كاملين والقداسة، الّي بلا بِها حتّى واحد ما غادي يشوف الرَّبّ.

وْفكّرو في هَداك الّي بقا تابت ضدّ المُدْنبـين الّي عارضوه، باش ما تعياو شي وْما تفشلو شي في نفسكُم.

على ديك الشي، حيت حنايَ قبطْنا واحد الممْلكة الّي ما كَتْـتزعْزع شي، خصْنا نكونو شاكرين وْنخدمو اللّٰه كيفْما هُوَ كيبغي بالخشوع والتقْوى،

هَد الشي الّي كَتْـتحمّلو هُوَ باش تتعلّمو، حيت الرَّبّ كَيْتعامل معكُم فحال أُولادو، حيت واش كاين شي ولد الّي باباه ما كَيْربّـيه شي؟

حيت إلَهنا هُوَ عافية مشْعولة.

حيت هُمَ ربّاونا مُدّة قليلة كيفْما ظهَر لوم مزيان، وَلكن الرَّبّ كيربّـينا نالمصْلحة ديالنا باش نشْتَركو في القداسة ديالو.

وْباقي ما قاومْتو شي حتّى يسيل الدم ديالكُم في الحرب ضدّ الدنوب.