عبرانيين 12

الفصل طناش

1على ديك الشي حتّى حنايَ عندنا مجْموعة كبيرة د الشهود الّي دايرين بِنا، وْخصْنا نحيّدو كل التقال والدنب الّي كيلسق فينا بالسهولة، وْنجريو بالصبر في السباق الّي قدّامنا، 2نركّزو على يَسوع الّي هُوَ راس الإي‍مان والّي كَيْكمّلوْ. هُوَ، بْسباب الفرْحة الّي كَتْـتسنّاه، تحمّل الصليب وْحڭر الحشومة، وْدابا هُوَ ݣالس على الّي‍مين د عرش اللّٰه. 3وْفكّرو في هَداك الّي بقا تابت ضدّ المُدْنبـين الّي عارضوه، باش ما تعياو شي وْما تفشلو شي في نفسكُم. 4وْباقي ما قاومْتو شي حتّى يسيل الدم ديالكُم في الحرب ضدّ الدنوب. 5وْنسيتو الكلام د التشْجيع الّي تقال لكُم فحال أُوْلاد: "آ وليدي، ما تحڭر شي ملّي الرَّبّ كيربّـيك وْما تفشل شي ملّي كَيْوبّخك، 6حيت الرَّبّ كيربّي الّي كَيْبغيهُم وْكيعصّي كُل ولد الّي كيقبلوْ."#12‏:6 هَد الاقتباس من الأمْتال 3‏:11‏-12. 7هَد الشي الّي كَتْـتحمّلو هُوَ باش تتعلّمو، حيت الرَّبّ كَيْتعامل معكُم فحال أُولادو، حيت واش كاين شي ولد الّي باباه ما كَيْربّـيه شي؟ 8وَلكن إدا بقيتو بلا ترْبـيّة، الّي الناس كاملين كَيْتعاملو بِها، إدَن أنتُمَ أُوْلاد الحرام، ماشي أُوْلاد الحلال. 9حيت، واخّا الوالِدين ديالنا أدّبونا، احْتَرمْناهُم. إدَن، واش ما خصْنا شي نطيعو كتَر الآب د الروح ديالنا باش نحياو؟ 10حيت هُمَ ربّاونا مُدّة قليلة كيفْما ظهَر لوم مزيان، وَلكن الرَّبّ كيربّـينا نالمصْلحة ديالنا باش نشْتَركو في القداسة ديالو. 11حتّى واحد ما كيفرح بالتأديب في وقتو وْكيحزن، وَلكن من بعد، الّي كانو مربّـيين بِه، كَيْعطيهُم غلّة السلام والتقْوى. 12على ديك الشي قوّيو اليَدّين المرْخيّين والركابي الفاشلين، 13وْعملو طرْقان معوّطة نالرِّجلين ديالكُم باش الرِّجل العرجة ما تتعوّج شي، وَلكن تتشافى.

14تبعو السلام مع الناس كاملين والقداسة، الّي بلا بِها حتّى واحد ما غادي يشوف الرَّبّ. 15ردّو بالكُم باش حتّى واحد ما يخلّي نعْمة اللّٰه، وْباش ما يطلع شي عرق المرارة ويعمل الصعوبات وينجّس بزّاف منكُم. 16وْحتّى واحد ما يكون فاسد ولا منْݣوس فحال عيسو الّي على طبْسيل واحد د الماكلة باع الحقوق ديالو د البِكر. 17وْكيفْما كَتْعرفو، من بعد ملّي بغى يورت البركة، ترفض وْما كانَتْ شي عندو الفُرْصة باش يندم، واخّا فتّش على البركة بالدموع.

18حيت ما قرّبْتو شي نواحد الجّبل ملْموس وْمشْعول بالعافية والظلام والضباب والعاصفة، 19ولا غوات البوق والصوت د الكلام (وْهَدوك الّي سمعوه، طلبو باش ما يزيد شي يتكلّم معهُم)، 20حيت ما قدرو شي يتحمّلو هَد الأمر: "غادي يتّرجم كُل واحد الّي كيحادي الجّبل، واخّا يكون حيوان."#12‏:20 هَد الاقتباس من سفر الخروج 19‏:12‏-13. 21وْشحال كان المنْظر كيخوّف حتّى موسى قال: "أنا كَنتّرعد بالخوف."#12‏:21 هَد الاقتباس من سفر التثنية 9‏:19. 22وَلكن أنتُمَ قرّبْتو نْجبل صِهْيون وْنْمدينة اللّٰه الحيّ، أُورُشَليم السماويّة، وْقرّبْتو نْعشرات الألوف من الملائكة في حفلة العيد، 23وْنالكنيسة د الأبْكار الّي الأسْماء ديالوم مكْتوبة في السما، وْقرّبْتو ناللّٰه الحاكم د الناس كاملين وْنالارْواح د الناس الصالحين الّي اللّٰه كمّلوم. 24وْقرّبْتو نيَسوع، الوسيط د واحد العهد جديد وْنالدم المرْشوش الّي كيتكلّم حسَن من دم هابيل.

25ردّو بالكُم باش ما ترفضو شي الّي كيتكلّم، حيت إدا هَدوك الّي رفضوه الّي تكلّم معهُم على الأرض ما فلْتو شي من العقاب، كيفاش حنايَ غادي نفلتو إدا عطيناه بالطهر ديالنا، هَداك الّي كيتكلّم معنا من السما؟ 26في ديك الساعة الصوت ديالو زعْزع الأرض، وَلكن دابا وَعدنا وْقال: "مرّة يَخرى غادي نزعْزع، ماشي غير الأرض بوحداْ، وَلكن حتّى السما."#12‏:26 هَد الاقتباس من حجَّي 2‏:6. 27وْهَد التعْبير ديالو "مرّة يَخْرى" كيعني بلّي غادي يتزعْزعو الأُمور المخْلوقة، وْغادي يتحيّدو، باش تبقا الّي ما كَتْتزعْزع شي. 28على ديك الشي، حيت حنايَ قبطْنا واحد الممْلكة الّي ما كَتْـتزعْزع شي، خصْنا نكونو شاكرين وْنخدمو اللّٰه كيفْما هُوَ كيبغي بالخشوع والتقْوى، 29حيت إلَهنا هُوَ عافية مشْعولة.

Currently Selected:

عبرانيين 12: ary

Highlight

Copy

Compare