Popular Bible Verses from عبرانيين 11

Share

الإيمان هُوَ الضمانة د الّي كَنْترجّاواه، واليَقين في الّي ما كَيْتشاف شي. حيت بالإيمان كانو مرْضيّين الجدود.

وْبلا إيمان مسْتحيل نرضيو اللّٰه، حيت الّي كيقرّب نْعندو خصّوْ يآمن بلّي هُوَ كاين وْبلّي كَيْجازي نِلّي كَيْـبقّشو عليه.

بالإيمان كَنْفهمو بلّي العالمين تكوّنو بالكلمة د اللّٰه، الحاجات الّي كَنْشوفوها جات من الّي ما كَنْشوفوه شي.

بالإيمان إبراهيم، ملّي اللّٰه عَيّط عليه باش يمشي نالموطَع الّي من بعد غادي يوَرتوْ، طاع اللّٰه وْخرج بلا ما يعرف الموطَع فاين ماشي. بالإيمان هجر نالبلاد المَوْعودة، فحال في شي أرض غريبة، وْسكن في الخَيمة مع إسْحاق ويَعْقوب الوارتين معاه في نفس الوعد.

بالإيمان نوح، ملّي نبّهوْ اللّٰه على الحاجات الّي باقي ما تشافَتْ شي، خاف وْبنى الفُلك باش ينجّي العائلة ديالو، وْبْهَد الإيمان حكم على الدنيا، وْورت التقْوى الّي كتجي بالإيمان.

بالإيمان اتّرفع نالسما أخْنوخ باش ما يشوف شي الموت، وْما جبروه شي، حيت نقلوْ اللّٰه، وْمن قبل ما يتّرفع اتّشهد لو بلّي هُوَ مرْضي عند اللّٰه.

بالإيمان هابيل قدّم ناللّٰه دبيحة أفضل من ديال قايين، وْبِه اتّشهد لو بلّي هُوَ صالح، حيت شهد اللّٰه على التقْدِمات ديالو، وْبالإيمان باقي كيتكلّم، واخّا هُوَ مات.

بالإي‍مان سارة بْنفساْ، واخّا فاتاْ الوقت د الولادة وْكانت عاݣرة، تقوّات باش تحبل، حيت اعْتَبرَتْ صادق هَداك الّي وعد بِه.

حيت كان كيتسنّى المدينة الّي مبْنيّة على لساس، الّي المُهنْدس والبنّاي ديالاْ هُوَ اللّٰه.

بالإيمان موسى، ملّي كبر، رفض يتسمّى ولد بنْت فِرْعون، وْفضّل يكون معدّب مع شعب اللّٰه فْعوط ما يتمتّع باللّدّات الفايتة د الدنوب، وْحسب بلّي عار المسيح كان أعظم ترْوة من التجارة د مصر، حيت كانو العينين ديالو مركّزين على الجائزة. بالإيمان موسى خرج من مصر بلا ما يخاف من الغضب د المَلِك وْبقا تابت فحال إدا كان كيشوف الّي ما كَيتشاف شي.

بالإي‍مان إبراهيم تجرّب وْقدّم إسْحاق، والّي قبل الوعود، قدّم ولدو الوحيد فحال واحد الدبيحة،

بالإيمان راحاب، المراة الزانية، ما تّهلكَتْ شي مع العاصيّين حيت رحّبَت بالجواسيس بْسلام.

بالإيمان قطعو البحَر الأحمر فحال إدا ماشّين على الرحْبة اليابسة، وْملّي المصريّين بغاو يقطعوه، غرقو.

بالإيمان طاحو أسْوار أَريحا من بعدما دار عليها الشعب سبع أيّام.

بالإيمان عمل العيد د الفِصح وْرشّ الدم باش ملاك الموت ما يحادي حتّى شي بكر د شعب إسرئيل.

بالإيمان يوسف، ملّي كان في حالة الموت، دكر الخروج د شعب إسْرائيل من مصر، وْوصّاهُم يدّيو معهُم العطام ديالو.

بالإيمان يَعْقوب، ملّي كان غادي يموت، بارك في كُل واحد من أُوْلاد يوسف، وْسجد متكّي على راس العصا ديالو.

بالإيمان إسْحاق بارك في يَعْقوب وْعيسو في الأُمور د المسْتَقبل.