Popular Bible Verses from ရောမ 5

Share

ယေကေလည်း ငါရို့ အပြစ်လုပ်နီတုံးမာ ခရစ်တော်စာ ငါရို့အတွက် ကိုယ့်အသက်ကို စွန့်လီရေ။ ခရစ်တော်၏ သီခြင်းကနီရို့ ထာဝရဘုရားစာ ကိုယ့်ချစ်ခြင်းမေတ္တာကို ငါရို့ဘားမာ ဖေါ်ပြလီရေ။

ဒေ မျှော်လင်းချက်စာ ငါရို့ကို အရှက်ချလိမည် မဟုတ်၊ အကြောင်းကား ထာဝရဘုရားစာ သန့်ရှင်းသောဝိညာဉ်တော်ကနီရို့ ကိုယ့်ချစ်ခြင်းမေတ္တာကို ငါရို့ စိတ်နှလုံးမာ သွန်ပီးလီရေ။ ငါရို့စာ ထိုသန့်ရှင်းသောဝိညာဉ်တော်ကို ထာဝရဘုရားက လက်ဆောင်အဖြစ် ရကတ်လီရေ။

ယင်းထက်မက ဒုက္ခ-ဝေဒနာကို ခံရကတ်တေခါလည်း ငါရို့ ပျော်နီကတ်တေ၊ အကြောင်းကား ငါရို့ သိရေ၊ ဒုက္ခ-ဝေဒနာစာ သည်းခံခြင်းကို ပီးရေ၊ သည်းခံခြင်းစာ စင်ကြယ်စာ အကျင့်သီလကို ပီးရေ၊ စင်ကြယ်စာ အကျင့်သီလစာ မျှော်လင်းချက်ကို ပီးရေ။

ငါရို့စာ ကျုံခြင်းတရား အကြောင်းန သူတော်ကောင်းအဖြစ် လက်ခံခြင်းကို ရကတ်ပျာ။ ယင်းအတွက်န အသျှင်ယေရှုခရစ်တော်ကနီရို့ ထာဝရဘုရားန ငါရို့အထဲမာ ငြိမ်းချမ်းဗျာ။ ငါရို့စာ ခရစ်တော်၏ အကြောင်းန ကျုံခြင်းတရားကနီရို့ ထာဝရဘုရား၏ ကျေးဇူးတော်ကို ခံရကတ်ပျာ အရာ ငါရို့ ဒေဂု ထိုကျေးဇူးတော်အောက်မာ ဟိကတ်တေ။ အရာ ထာဝရဘုရား၏ ဘုန်းတန်ခိုးကို အဝီငဖို့စာ မျှော်လင်းချက်န ငါရို့ ပျော်နီကတ်တေ။

ငါရို့မာ အားနည်းခြင်း ဟိလီရေခါ ခရစ်တော်စာ ငါရို့အတွက် ကိုယ့်အသက်ကို စွန့်လီရေ။ ခရစ်တော်စာ ထိုက်တန်ရေအချိန်မာ ငါရို့ပိုင် ဆိုးယုတ်စာ လူရို့အတွက် ကိုယ့်အသက်ကို စွန့်လီရေ။

ထာဝရဘုရားစာ ခရစ်တော်၏ သွီးအကြောင်းန ငါရို့ကို သူတော်ကောင်းအဖြစ် လက်ခံလီရေ။ ယင်းအတွက်န ငါရို့စာ ခရစ်တော်ကနီရို့ ထာဝရဘုရား၏ အပြစ်ဒါဏ်က ရွတ်ကတ်ဖို့ဆိုစာကို စိတ်ချရို့ ရကတ်ပျာ။

အကြောင်းကား အာဒံ၏ မနာခံခြင်းအကြောင်းန လူအများကြီး အပြစ် သင့်ကတ်လီရေ။ ယင်းပိုင်တထန် ခရစ်တော်၏ နာခံခြင်းအကြောင်းန လူအများကြီး သူတော်ကောင်းအဖြစ် လက်ခံခြင်းကို ရကတ်လိမည်။

သက်သက် ကယ်တင်ခြင်းကို ရကတ်ဖို့စာ မဟုတ်သိ။ ယင်းထက်ပင် ထိုယေရှုခရစ်တော်ကနီရို့ ငါရို့စာ ထာဝရဘုရားန အသစ်ပျင်ရို့ ပေါင်းကျကတ်ပျာ။ ယင်းအတွက်န ငါရို့စာ ပျော်နီကတ်တေ။