Popular Bible Verses from Rò̌mǎphû̌ 3

Share

Ma̤tè̤hî̌dě kòyò pṳ̂̌꤮ tapwa̤ ma̤ ta̤sǔta̤plě. A lṳhtò̌bò̌to̤ Cǒmara bè̌mě a sîrîdû̌sîrîhtû htǒonu dǐpwǎ̤꤮ tò̤. Cǒmara gwèbǎǐ pa akhû̌akhî, a bè̌cǒbè̌tè̤ kopwǎ pa. Dě Ye̤shǔkhrî̌stu wû̌lǎ pa akhû̌akhî, pacǒpatè̤ pwǎ.

Kòyò htě a yṳǎ ta Ye̤shǔkhrî̌stu ma̤hto bǎ nû̌ûya toǒnu, Cǒmara bè̌ nû̌û pwǐ kòyòcǒkòyòtè̤nu hǒ. Htǒomî̌ klè̌ htě Cǒmara ma̤ bǎ kòyò lǒ̤꤮ bò htě a yṳǎ Ye̤shǔkhrî̌stunu toǒ aya hǒ. Dě Cǒmara a lo̤mo̤nu akhǒ nǒ nû̌û dǐpwǎ̤꤮ tò̤.

Ma̤tè̤hî̌dě Cǒmara dǔlṳ lîphlo ta Khrî̌stu hèlò̤ phî̌kè bǎ pa ta̤sǔta̤plě htě Cǒmara glèbǎ cèrò pahtǒonu hǒ. Dě pa yṳǎ Ye̤shǔkhrî̌stu khòsi asò̌ nò̌dòhtǔlo̤ dě asǐlò̤ ta paya akhû̌akhî, Cǒmara bè̌cǒbè̌tè̤ pa. Ma̤pûhǐ Cǒmara ǐ htò̌lṳ ta a ma̤cǒma̤tè̤ ta̤ ayanu, a nohè Ye̤shǔkhrî̌stu hǒ. Dě nukha mî̌, a khòsò̌do bǎ hǎkhû̌phû̌ toǒ a ta̤sǔ. A kè̌ tûlû̌kè asî ma̤ ta̤sǔnu toǒ dě a cèrò asî tò̤. Pwǎ̤tadě khònò̤htǒo a dǔlṳ ta a ma̤ ta̤htǒo atopwǎ ayanu, a nohè Ye̤shǔ ta a hè khòsi kò pṳ̂̌꤮ tapwa̤ aya. Hǐnu akhû̌akhî, Cǒmara sana̤nu a dǔlṳ ta a ma̤cǒma̤tè̤ pwǎ, dě a bè̌cǒbè̌tè̤ kòyò htě a yṳǎ Ye̤shǔnu toǒ ta ana̤.

Ma̤tè̤hî̌dě, kò ǒhtûpwa̤ gûma̤kû̌ ta̤sû̌ta̤tòwò akhû̌akhî, kò htûhtò̌jò kòyòcǒkòyòtè̤ dě Cǒmara a lo̤mo̤nu a ǒ dǐpwǎ̤꤮ tò̤. Ma̤pûhǐ pa sî̌ya hè pa ta̤sǔ dě Cǒmara ǐlò̤pwǎ pa.

Lî̤cahtǐkû hî̌, “Kòyòcǒkòyòtè̤ ǒ dǐpwǎ̤꤮ tò̤. Kòyò htě a ǒ ta ta̤sî̌ta̤jò toǒ bǎbǎ, kòyò htě a kè̌lǎ Cǒmara toǒ bǎbǎ, a ǒ dǐpwǎ̤꤮ tò̤. Kòyò pṳ̂̌꤮ tapwa̤ cû̌ tephekèbò ta Cǒmara. Asî htûbò kòyò nòdû̌ pṳ̂̌꤮ tapwa̤ hǒ. Kòyò htě a ma̤ ta̤wǒnu a ǒpe dǐpwǎ̤꤮ tò̤, toǒtapwa̤ pwǎnu, a ǒ tò̤.

Ma̤tè̤hî̌dě kòyòhǎkhû̌phû̌ gûma̤kû̌ ta̤sû̌ta̤tòwò akò dě Cǒmara bè̌cǒbè̌tè̤ asî hǐnu mè̤tò̤. Asî yṳǎna̤ǎta̤ khû̌khî, a bè̌cǒbè̌tè̤pwǎ nû̌û.

A phèkè nǒ dî̌kî̌꤮ tò̤. Kòyòhǎkhû̌phû̌ lǒ̤꤮ bò htûbò kòyò lòhǎlòho bǎbǎ, Cǒmara cǒtè̤ sadape ta ayo̤ pwǎ. Lî̤cahtǐkû hî̌, “Kòyòhǎkhû̌phû̌ glè hî̌ na ta na hî̌bǎ bò̌khòtè꤮ bǎbǎ atoabǎbò pwǎ, kò kè̌lǎnè̌ na ta̤sǔ htě na ma̤ta̤totò̤ bò̌khòtè꤮ bǎbǎnu, kò lò̤jûkèpwǎ na gûla̤.”