Popular Bible Verses from 以弗所書 4

Share

著親切仁慈相款待，互相赦免，抵及上帝有通過基督赦免恁仝款。

凡事著謙卑、溫柔、忍耐，用疼互相寬容，

歹話攏毋通講；顛倒著講造就人的好話，互聽著的人得著利益。

著棄拺一切的惡毒、歹性地、受氣、喧嚷、誹謗，以及一切的歹。

恁若受氣毋通致到犯罪。毋通到日落猶啲受氣； 毋通互魔鬼有孔縫通利用。

按呢，著脫離以前的生活，褪去舊的人，因為舊的人受私慾的迷惑啲敗壞。 恁的心思意念著完全換新， 就是著穿照上帝的形像創造的新人，用根據真理所產生的公義及聖潔表現出來。

用和平互相聯繫，盡力保持聖神所賜的合一。

伊所賜的有使徒，有先知，有傳福音的，有牧養的及教導的。 伊按呢做是欲裝備上帝的子民通做侍奉的工作，來建立基督的體； 最後咱攏通對上帝的子有一致的信仰及認識來長大成人，達到基督完全的程度。

按呢，咱就無閣作囝仔，互欺騙者編造出來所有錯誤的學說拖啲行，飄來飄去。 咱反轉著用疼心講真實，佇逐方面用作頭的基督做目標來成長。