Popular Bible Verses from 以弗所書 5

Share

既然恁是上帝所疼的子兒，著學伊。 言行舉止著有疼心，親像基督疼咱，為著咱犧牲家己的性命做芳芳的祭物獻互上帝。

所以，恁的行為著謹慎，毋通做無智慧的人，著做聰明的人， 善用機會，因為現今的時代邪惡。

毋通酒醉；酒醉會互恁敗壞；反轉著互聖神充滿。 著用詩篇、聖詩、靈歌對唱，對心底唱聖詩及詩篇稱讚主。 著靠咱的主耶穌基督的名，為著逐項代誌時常感謝天父上帝。

所以，毋通做糊塗的人，著明白什麼是主的旨意。

作丈夫的，著疼婦仁人，親像基督疼教會，為著教會犧牲家己。

恁以前佇烏暗中，毋拘現在已經成做屬主的人佇光明中，行做著有光明子兒的款式；

恁著用敬畏基督的心互相順服。

作婦仁人的，著親像順服主按呢順服丈夫。

總是，這嘛適用佇恁逐個人：丈夫著疼家己的婦仁人，親像疼家己；婦仁人著敬重伊的丈夫。

聖經講：「因為按呢，人會離開父母，及伊的某結合，兩人成做一體。」

毋通參與佇烏暗中啲做無路用的代誌，顛倒著給𪜶暴露出來。