Popular Bible Verses from 歌羅西書 3

Share

恁中間若有糾紛，著互相寬容，彼此赦免；親像主有赦免恁，恁嘛著按呢相赦免。

恁著專心致意頂面的事，毋是地上的事。

恁無論做什麼，著盡心做，毋是為著人，是為著主做。

恁是上帝所揀選的子民，是伊所疼的，所以著用憐憫、慈愛、謙卑、溫柔，及耐心做衫穿落去。

著互基督的話豐豐富富𫢶佇恁內面。著用逐款的智慧互相教示，彼此勸戒，唱詩篇、聖詩、靈歌，對心底感謝謳咾上帝。 恁無論做什麼，講話抑是做代誌，攏著奉主耶穌的名來做，通過伊來感謝父上帝。

諸個以外，著閣加疊疼心，因為疼會互一切連結，完全和合。

既然恁已經及基督做夥閣活，就著追求天頂的事，佇遐基督坐佇上帝的正旁。

著互基督所賜的和平支配恁的心；為著欲互恁有此個和平，恁受揀召成做一體。恁閣著時常感謝。

所以，著消滅恁許個屬世的慾望，就是淫亂、污穢、邪情、邪慾，及貪戀 — 貪戀是拜偶像。

因為恁已經死，恁的活命及基督做夥隱藏佇上帝內面。

毋拘現在恁著棄拺受氣、歹性地、怨恨、誹謗，及講垃屑話等。

毋通互相欺騙，因為恁已經有將舊的人及習慣褪起來， 將新的人穿落去；此個新的人，創造主照家己的形像繼續啲給伊更新，互恁通真正識伊。

作丈夫的，著疼婦仁人，毋通給𪜶歹款待。

作兒女的，逐項代誌著順服父母，因為這是主所歡喜的。

作婦仁人的，著順服丈夫，因為這是信主的人的本分。