Popular Bible Verses from 彼得後書 2

Share

主知按怎救敬虔的人脫離試煉，嘛知給不義的人留到審判的日受刑罰，特別是許個放縱肉體的情慾及藐視上帝權威的人。 諸個假教師大膽閣驕傲，甚至敢侮辱尊貴的眾天使。

𪜶認識公義的道路，然後離開所傳授互𪜶神聖的誡命，按呢寧可對起頭就毋識較好。 𪜶的情形抵親像俗語所講「狗越轉來食家己吐出來的物」，抑是「豬洗清氣以後隨時閣去翱路糊糜」。

𪜶答應互人自由，毋拘家己做腐敗生活的奴隸；因為人受什麼控制，就成做彼個的奴隸。

人認識咱的主— 救主耶穌基督脫離世間的腐敗以後，若閣互腐敗的勢力纏啲閣壓制，此款的結局會比以前閣較僫。

以前嘛有假先知佇民間出現；仝款，現在嘛有假教師會佇恁中間出現。𪜶暗中將互人滅亡的異端帶入來，甚至毋承認彼位贖回𪜶的主宰，致到家己真緊就滅亡。