Popular Bible Verses from 彼得後書 1

Share

上帝有用伊的能力將敬虔的生活所需要的一切賜互咱；這是通過咱認識召咱來分享伊的榮光及良善彼位上帝來的。 按呢，伊有將極大閣寶貴的應允賜互咱，互恁通過諸個應允通脫離世上的慾望所造成的腐敗來分享上帝的本性。

為著此個，恁著盡力拍拼，互恁有信心閣有德行，有德行閣有智識， 有智識閣有節制，有節制閣有忍耐，有忍耐閣有敬虔， 有敬虔閣有手足之情，有手足之情閣有仁愛。

諸個是恁所需要的品德。諸個恁若攏有，閣愈充實，會互恁閣較積極，閣較有效認識咱的主耶穌基督。

所以，我的兄弟姊妹，恁著閣較勞力來證明上帝對恁的呼召及揀選是確實的；恁若按呢做就𣍐墮落。