Popular Bible Verses from 彼得前書 2

Share

毋拘恁咧，恁是受揀選的種族、王家的祭司、聖潔的國度、上帝的子民，欲互恁通宣揚上帝偉大的作為；此位上帝有召恁出烏暗來入佇伊燦爛的光明。

基督佇十字架頂親身擔當咱的罪，互咱向罪死，向義來活；對伊的受傷，恁得著醫治。 恁以前親像羊迷路，現在已經轉來歸佇恁靈魂的牧者及監護者。

聖經講： 恁前毋是上帝的子民， 現在是伊的子民； 恁前無得著上帝的憐憫， 現在得著伊的憐憫。

著親像抵出世的嬰仔真愛純的屬靈的奶，互恁通成長到得著救；

親愛的兄弟姊妹，恁佇世間作僑民，作寄居的，我勸恁毋通放縱肉體的情慾；此個情慾不時啲攻擊靈魂。 恁佇未信者的中間著有好行為，互許個誹謗恁是歹人的人通看見恁的好行為，佇主來臨的日歸榮光互上帝。

恁嘛著作活石，互上帝用來起造屬靈的殿，閣作聖潔的祭司，通過耶穌基督獻上帝所歡喜屬靈的祭物。

所以，著棄拺一切的歹，一切的詭詐、假好、怨妒，及一切的誹謗。

著親近主，伊是活石，雖然互人棄拺，毋拘受上帝揀選看做寶貴。

恁作自由的人，毋通用自由做邪惡的藉口，著作上帝的僕人。

因為這是上帝的旨意；伊愛恁做好，互無智識的戇人無話通講。