Popular Bible Verses from 彼得前書 1

Share

著稱讚咱的主耶穌基督的父上帝！根據伊無限的仁慈，通過耶穌基督對死人中閣活，上帝有互咱重出世通得著活活的向望， 來承受伊為著恁保存佇天裡彼個𣍐朽爛，𣍐拍垃墋，𣍐消失的福氣。

為著按呢，雖然恁現在暫時猶著受種種的試煉心艱苦，恁著歡喜。 這是欲證明恁的信心堪得受考驗，比互火煉過猶會敗壞的金閣較寶貴，通互恁佇耶穌基督顯現的時得著稱讚、榮光，及尊貴。

呼召恁的上帝是聖潔，恁佇一切的行為嘛著聖潔。 因為聖經有記載：「恁著聖潔，因為我是聖潔。」

著做順服的子兒，毋通照恁以前毋識上帝的時啲放縱私慾。

所以，恁的心志著準備好勢，著警醒，全心向望耶穌基督顯現的時所欲賜恁的恩典。

因為聖經有記載： 人攏親像草， 𪜶的榮華攏親像草花； 草會焦， 花會謝， 總是主的話永遠存在。 這就是傳互恁的福音的信息。