Popular Bible Verses from 彼得前書 3

Share

著尊崇基督做主。若有人問恁心中的向望，著不時準備好勢通對𪜶辯明。 不過著用溫和及尊重的態度來回答。著有清白的良心，通佇恁受侮辱的時互許個侮辱恁的人看見恁靠基督所表現的好品行感覺見笑。

因為主的目睭看顧義人， 伊的耳孔聽𪜶的祈禱； 毋拘伊會對作歹的人變面。

恁毋通靠編頭毛，掛金器，穿媠衫等妝飾， 著靠內在的媠，用溫柔及安靜的性情做𣍐敗壞的妝飾；這佇上帝的面前是上寶貴的。

因為聖經有記載： 人若愛性命， 愛過好日子， 著禁家己的舌無講歹話， 禁止嘴唇無講詭詐。 著拒絕歹，做好事， 熱心追求和平。

總講，恁攏著同心，同情，相疼親像兄弟姊妹，有仁慈，心存謙卑； 無用歹報歹，抑是用侮辱對付侮辱；顛倒著用祝福回報，因為恁是為著此個受呼召，互恁通承受福氣。

恁若熱心作好，啥人會害恁？

著拒絕歹，做好事， 熱心追求和平。

受苦若是上帝的旨意，作好來受苦比作歹來受苦較好。