Popular Bible Verses from 2 Timutiyu 2

Share

Sama, maseganamai tuwa nu gfagbulun o tam Diyus at ngay fagbulun, laman ro tam Diyus guseganan tuwa emu, ay laman ban di o umkapla tam Diyus. Ay nu gfoyung o sa sangay taw, fafoyunguni tuwa at mafanud fiya fiya.

Sama, saful wata te, nu anyay sik baguwama, ate sik baguyna, e fagafagbulunun way at yud masine. Ay lag kalong kalong fagbulun katanya. Am fagbulun, antuwa at masine fagayu. Afanudi sa tam Fun Isus, esugi am iba, ay faygaluwani tuwa masine am iba. Ay bundi o nangus sesadi tagfagbulun katanya. Anggan tuwa fagayu tagurunganan gafanud sa tam Fun Isus.

Ay itam, di tam faaringangan tam iba, teway itam wan ay tam Fun at ngay fanuguwan. Ay nu tam Fun watam at fanuguwan, igfagbulun tuwa tam masine sas fagayu taw. Ay igsaful tuwa tam igfoyung tam Diyus longan. Ay di tam igfangalimata.

Ay roro, deyud tam nafafaningun tam Fun Isus, kanya di gubun antam. Teway kanya di ginbalian.

Ay nu gfoyung o tam Diyus fanlongan sa sangay taw, fagalay sik taw gafayudun am ngay foyungan, malukmei tuwa nu gbalus o anya. Teway labon tam Diyus igfaamatang yay anya te, igsalan way anya at amatanganan. Ay nu katanya tuwa, ka fag taw sumaful wan at matuyan fag foyungan.

Tibak taw igsulitanan gugat gugat, ay roro at sulitanan we fanambagun. Sa way baliwa tam Diyus fakalimataun fag ngay longan. Ay nu katanya, dangay o gafaningan. Teway kanya fag ngay taw kaugat yay ban nu kamabo tam Diyus.