Popular Bible Verses from Rimljanenđe 3

Share

Adalese so, sare grešinde hem našalde i slava e Devlesiri, ali opravdimei pali lesiri milost prekalo otkupljenje savoi ano Hrist Isus. Adavai e Devlesoro daro.

Opravdime injam anglo Devel prekali vera ano Isus Hrist. Adava odnosini pe upro sarijende kola verujinena adalese so nane razlika maškaro manuša.

O Devel odredinđa e Hriste ple rateja te ovel žrtva zako pomirenje savo primini pe veraja. Adava ćerđa te mothoj pli pravednost. Adalese so, ov ani pli strpljivost na kazninđa o grehija savei ćerde angleder, a adava ćerđa sar te mothoj pli pravednost ano akava vreme, te šaj mothoj dai ov korkoro pravedno hem te opravdini okole kova verujini ano Isus.

Adalese anglo leste nijekh naka opravdini pe palo ićeriba o Zakoni, adalese so o Zakoni anela e manuše đi ko pendžariba dai grešno.

Sar soi pisime ano Sveto lil: “Nane nijekh pravedno, nijekh; nijekh nane kova razumini, nane nijekh kova rodela e Devle. Sare cidinde pe e Devlestar, sare zajedno ule beskorisna. Nane nijekh kova ćerela šukaripe, nane nijekh.

Adalese amen smatrinaja dai o manuš opravdime pali vera, a na palo ićeriba o Zakoni.

Na, nisar! Iakoi svako manuš hovavno, o Develi adava kovai verno ano ple obećanja, sar soi pisime ano Sveto lil: “Ka mothove tut pravedno ano sa so ka vaćere, hem ka pobedine kad ka ove sudime.”