Popular Bible Verses from Romans 3

Share

go hiidinga dangada alodahi gu haisala gai gu dee maua i de kave de mahamaha o de Maadua, gai dangada gu hagadanuaa i de mee ngadi gaavange go dono abodonu, i de hagaoanga a Klisdo Iesu gu hagao laa.

Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada

De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua. De mee nei ne hai e hagaago mai ai dono heohi i de masavaa nei, gai ia e hagaheohi tangada e gai ange gi Iesu.

Go hiidinga e deai donu se dangada e maua i de hai gi heohi ia i daho de Maadua i dono daudali i de hainga; gai de hainga e hai gi iloo e dangada dagodo o de haisala.

bei de hai gu sisi ai laa, “E deai donu se dangada e heohi, e deai donu; e deai donu se dangada e donu ange; e deai donu se dangada e saalaa de Maadua. Dangada alodahi gu hulo gee mai i de haiava, gilaadeu alodahi gu deai olaadeu haigamaiana; gu deai donu se gilaadeu e haia de mee danuaa, gu deai donu se dangada daudahi.

Deenei ai, gidaadeu e iloo bolo go de gai o tangada e hagaheohi ai, e dee go dono daudali i de hainga a Moses.

E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”