Popular Bible Verses from Romans 4

Share

Gai ia tee lua lodo donu i dana hagadonu de hagatoo donu a de Maadua, aagai dono gai ne mmahi mmao aama de hagamahamaha de Maadua, ia ne hagadonusia bolo de Maadua e maua i de hagassula ana mee gu lava i de hagatoo donu.

Gai gu sisi e hai ange, “Au gu hai goe go tamana o denga huaahenua soa”  — i mada luu mada o de Maadua aana ne hagadonusia laa, go de Maadua e gaavange laa de mouli gi gilaadeu e maakau ma de basa ga hai gi hanu mee tigi ai laa.

Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.

Gai Abraham ne hagadonusia ma de tali hagalodolodo, i de masavaa e dagodo ai be e deai donu haigamaiana dana tali hagalodolodo, bolo ia e hai go tamana o denga huaahenua soa; bei de hai gu tala ange ai laa, “Deelaa naa hogi de soa o doo aamuli.”

Deenei ai, de hagatoo donu nei e maua donu huu i de gai, gai gi se mee ai e maua i de abodonu ma de hagatoo donu ange gi hagadiilinga alodahi o Abraham — e dee ange donu huu gi gilaadeu e daudali i de hainga, aagai ange hogi gi gilaadeu e kai bei dagodo o Abraham. Ia go tamana odaadeu alodahi.

“E manuuia tangada a de Maadua gu degi ange gi ono haisala, gai ono haisala gu haoli. E manuuia tangada a TAGI MAOLUNGA e dee dau ange ono haisala gi de ia.”

Gai aahee muna a de Beebaa Dabu gu tala laa? “Abraham ne hagadonusia de Maadua, gai de mee nei gu dau ia gi se dangada e heohi.”