Popular Bible Verses from Efɛjɩdara 4

Share

Sɩ nɩ ka na bɔ khasɔ a na jɛ kha bʋɔra, a faa sopugosɔ na hana kha mɔ̃kɛ Kirisiti donɩ nɔɔ dɩ Thãgba kɔɔ faarɔ anɩ sopugosɔ a ha nɩ.

Nɩ jɔ dɩbara, a hana hɛlɛlɛ fɩlɛ, a hanana dakha ha fʋrɛ. Na‐n fɔ kha haar bɩɛlbɩɛl na naʋ.

Na‐n do thɩmɩɩ puu bɩɛllakɛ na‐n the anɩ nɔaˈ, sɩ na‐n mɩa thɩmɩɩ bʋɔ tɩbɩlala mɔ̃ thɩ̃ɛ ha warnɩ gɩ cʋʋ wɩ wɩ khɔ̃ wa‐n pɛr, gɩ dɔ thɩmɩaakɛ na bʋɔnɔnɩ wɩrɛraakɛ n nɩɛnɛnɩ.

Nɩ dɔna bɩ̃ gbur fɛʋ a faa, na nĩkhii, na nĩkhi khɩɩ, na so kɩɩr, na tibil i kʋɛrɛ, na bɩ̃ kpallɛsɔ fɛʋ.

A nĩkhii fʋ nɩ na‐n cʋʋ sopugoəˈ; na‐n do wire n lõ sɩ nĩkhii n cɩ naraˈ, dɩ na‐n faa Satã a yɩ lõ paaraˈ.

gɛr dʋɔn a thɩɛna gaa dɔ nɩ faa cʋʋ pa tɩ̃ɩkɛ nɩ kɔɔ hananɩ mamara, kɛ dɔnɩ tɩɩ tɩ̃ dʋʋrɩkɛ hananɩ thɩ̃ ƴaal kpãkpãa kheuukɛ na‐n hiennəˈ, dɩɩ tʋɔ dɩ ga‐n jalna kʋɛ paar. Dɔ nɩ debi nɩ do daphaa haarra na kpɩɛrɛra. Nɩ tɔ tɩɩ pha dʋʋrɩkɛ Thãgba tini da‐n hʋʋ fɩl sarrɛra na phurrəəkɛ thɛnɩ sobɔrra.

Na‐n gbuoro yʋʋ Thu Phuu bɩɛl do n hale gɩ too anɩ pa, gɩ do lidaakɛ dɔnɩ ha ɩɩkɛ le nɩnɩ dɔ nɔɔ.

Ɔr pɩɛr ɩkhasɔ wɩ dɔ thɔ̃thɔna, ɩkhasɔ n do Thãgba tukɩr tidara, ɩkhasɔ n do tutugo bʋɔɔ thɩmɩɩ mɩɩdara, ɩkhasɔ n do khɛkhɛ na dɩɩrdara, gɩ do nɔɔ tɩɩ phuusɔ n gbɛbɩrɩ wɩ ˈli wa‐n jɩɩ cʋʋ ɔɔ thɔ̃, gɩ cʋʋ dakha Kirisitii tomɩ gɩ khɔ̃ ga‐n pɛr, phaphapha sɛrɛ fɛʋ n do bɩɛl ha pɛdaara, na Thãgbaa Bikuuni jɩra, sɩ khɔ̃ sɩ bɩ̃, sɩ mãkhana Kirisitiikɛ dananɩ thu

dɩ mɛ̃ sa do bɩsana ˈlo, dɩ dɩɩrɛɛkɛ n phʋnanɩ jɛ khaa na cʋʋ sɩ sa‐n kpaar baba ga; dɩɩrɛɛle tɩɩ fɩɩl tɩbɩlaa pa gɩ the, kɛ n gbaannɩ fɩɩlɛ dɩ wɩ cʋʋna tɩbɩla wɩ lona hʋ puurə. Sɩ sobɔ mɩɩrɛ na naʋ sa ka na khɔnɔ thɩ̃ɛ fɛʋra ʋrɛraakɛ dɔnɩ yʋʋ, a thɩɛna gaa Kirisiti gɩ.