Popular Bible Verses from Nūmela 13

Share

Kae na fakatokatoka e Kalepo te fakapotopotoga i mua o Mohe, ma lea vē atu, “Tātou olo loa oi fai te fenua tēnā mo kitātou, auā e mafai lele e kitātou oi puke fakamālohi!”

Na kitea foki e kimātou i kinā nā tino loloa ma tino kekehe, nā lāpuna o nā tino Anakima. Ko kimātou e vē ni hē-hahili kāfai e fakatuhatuha kia te kilātou, ma e vēnā foki te lātou kikila mai kia te kimātou.”

Ka kua lea vēnei atu ona hoa na olo kilātou, “E hē mafai e kitātou oi ohofaki nā tino iēnei, auā e hili atu to lātou mālolohi ia te kitātou!”

Oi na fakahalalau ai e kilātou ni tala ke loto vāivai ai nā tino Ihalaelu e uiga ki te fenua na olo kilātou ki ei, ma na lea vē atu ai kilātou, “Ko nā tino i te fenua na olo kimātou oi tautuku munimuni, e lamatia pea lava o lātou ola i nā taua, ma e aloā foki e tino lalahi!

Na lea vē atu kilātou kia Mohe, “Na olo kimātou ki te fenua na uga e koe kimātou ki ei; ko te fenua e tafe ai te huhu ma te meli! Kikila, iēnei nā fua o te fenua!

Kae ko nā tino e nonofo ai ni tagata tino mākekeke, ma ko o lātou kakai e lalahi lele ma fai nā pāpuipui. Kae ko te mea na hili ai to mātou popole, ona na kimātou kitea i kinā nā lāpuna o nā tino Anaka.

E hē gata i tēnā, ko nā tino ha-Amalekā e nonofo i te Toafa i Haute; ko nā tino ha-Hitē, ha-Iepuhī ma ha-Amolī, e nonofo i nā fenua maugā; ka ko nā tino ha-Kananā, e nonofo pili ki te Tai Metitelani, ma ki te Vaitafe ko te Iolitana.”

Na toe foki mai kilātou kia Mohe ma Alona, ma te fakapotopotoga uma a Ihalaelu i Kateha, i te Toafa o Palana. Na līpoti e kilātou kia te kilāua ma te fakapotopotoga uma lele nā mea na kilātou kitea, ma fakaali ki ei nā fua o te fenua na ōmamai ma kilātou.