Popular Bible Verses from Maleko 6

Share

Ko te tokalahi o nā tino nae ōmamai ma ōatu kia Iehu ma ona hoko, kua hē maua lele ai ho lātou avanoa ke kakai ai. Oi na vāgana atu ai ia Iehu ki ona hoko, “Tātou olo ki hētahi mea nā ko kitātou, kae ke mālōlō tahi foki koutou.”

Na vāgana atu ai ia Iehu kia te kilātou, “Ko nā pelofeta e mamalu i ho he mea, kae vaganā ai i o lātou lava nuku, ma i o lātou lava tagata, ma i o lātou lava kāiga.”

Koi fanake ia Iehu ki gāuta mai te vaka, kae na ia kitea atu te tokalahi o te kaifenua, oi na tumu ai tona loto i te alofa kia te kilātou, auā kua vē kilātou ni māmoe kua hēai ho lātou leoleomāmoe. Ma na kāmata loa oi akoako atu e ia kilātou i nā mea e lahi.

Na hēki ia mafaia oi fai he vāvega e fokotahi i kinā, kae vaganā ai te fakaeke atuga o ona lima ki luga o ni nāi tino nae tauale, ma na mālōlō ai kilātou. Ma na ofo lele ia Iehu ki te hē fakatuatua o tagata. Oi na fano ai ia Iehu ki nā nuku i te kogāfenua tēnā, ma akoako atu ki tagata.

Ma na puke atu ai ia Iehu ki nā falaoa e lima ma nā ika e luagamata, kua kikila ake ki te lagi ma fakafetai ki te Atua. Oi na tavaevae ai e ia nā falaoa ma fōki ki ona hoko ke tufatufa ki nā tino. Na tavaevae foki e ia nā ika e luagamata mo nā tino uma lele. Kua kakai ia tagata uma ma kua mākokona. Oi na ao ai e te kau hoko nā toegā falaoa ma nā toegā mea ika, ma na tūtumu ai nā polapola e hefulu lua.