Popular Bible Verses from Maleko 5

Share

Ma na vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū. Ko koe kua mālōlō i tō tauale.”

Nae iei he fafine kua kātoa te hefulu lua tauhaga nae tauale ai i te punatoto, e ui lava na tokalahi nā fōmai nae kilātou togafitia ia. Kua mole ana tupe, kae nae hē gaholo lele e feolōlo, kae nae gaholo lava e tīgāina lahi.

Kua paki atu te fafine ki te kofuloloa o Iehu, ma ko te taimi foki lava tēnā na uma ai te punatoto; na ia lagona foki ki ona tino, ko ia kua mālōlō i tona tauale.

Kua tago atu ia Iehu ki te lima o te tamaiti ma na vāgana atu ai ki ei, “Tālita, kumi,” ko tona uiga, “Te Tautiti, ko au e lea atu kia te koe, tū ki luga!”

Ka koi tautala vēnei atu ia Iehu, kae taunuku mai ni kavefekau mai te fale o Iāilo, ma kua lea vē mai kilātou kia Iāilo, “Ko te afafine o koe kua oti. Heā la te toe fakalavelave tauānoa ai koe ki te Faiākoga?” Na hēki fia tokaga ia Iehu ki nā mea na lea ai kilātou, ma na lea vē atu ai kia Iāilo, “Ia koe nā mataku; talitonu oioti.”

Na māfua te lea vēnā o te tamāloa ona ko Iehu na lea vē, “Te agaga kino, hau ki fafo mai te tamāloa!” Kua fehili atu ia Iehu ki te tamāloa, “Ko ai tō igoa?” Na tali mai ia, “Ko toku igoa ko ‘Lēkeona’—e tokalahi kimātou!”