Popular Bible Verses from Maleko 13

Share

ka inohia koutou e tagata uma ona ko au. Kae ko te tino e onohai pea lava ke pa ki te ikuga, ka lāveakia.

Koutou la ke mataala, auā e hē koutou iloa pe ko āfea e pa mai ai te taimi.

Ma kāfai koutou e puke ma kave ki te fakamahinoga, koutou nahe popole pe ka vēhea ake hautou tala e fai ki ei; kāfai e pa ki te taimi tēnā, tautatala lava i nā kupu ka fōki atu kia te koutou. Auā ko nā kupu e tautatala ai koutou ka hē a koutou, kae ka hau mai te Agaga Paia.

E mou kehe atu te lagi ma te lalolagi, ka ko aku kupu e tūmau pea lava.

“Kae e hēai he tino e ia iloa, pe pa mai āfea te aho tēnā pe ko te itūlā—e hē iloa e nā āgelu i te lagi, e hē iloa foki e te Ataliki, kae nā ko te Tamana oioti te ia iloa.

Ma ia koutou nahe mātataku kāfai e lagona e koutou te faitapiha o ni taua e pili mai, ma ki ni fakamatalaga e uiga ki ni taua i nā koga mamao. Ko nā mea iēnei e tatau lava ke tutupu, kae e hē vēake ai la ko te ikuga kua pa mai.

Koutou la ke mataala, auā e hē koutou iloa pe hau āfea te matai e o ia te fale—pe hau i te afiafipō, pe i te tūlua o te pō, pe ko te hēki tafa mai o ata, pe ko te hopo ake o te lā. Kāfai e hau fakafuaheki, e hē tatau ke ia maua mai koutou e momoe. Ko te mea e lea atu ai au kia te koutou, ko te mea foki ia e lea ai au ki tagata uma: Mataala!”

Ka hiki taua tētahi fenua ki tētahi fenua, ma tētahi mālō ki tētahi mālō. Ka iei nā mafuie i nā koga kehekehe uma, ma ka iei nā oge. Ko nā mea iēnei e vē lava ko nā tīgā muamua o he fafine e fānau.

Auā ko te Tala Lelei e tatau ke mua tālaki ki mālō uma, ka ko hēki pa mai te ikuga o te lalolagi.

E tokalahi nā tino ka ōmamai i toku igoa ma lea vē, ‘Ko au ko te Mehia’ ma ka fakahehē e kilātou te tokalahi o tagata.

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu kia te kilātou te Tala Lelei.

Auā ka ōmamai nā Keliho pepelo ma nā pelofeta pepelo. Ka kilātou faia ni vāvega ma ni mea ofōfogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

“I nā aho kāfai ka uma nā fakahāuāga, ka gaholo loa e pōuli te lā, ka hē toe huhulu te māhina, ka pakukū nā fetū mai te lagi, ma ko nā mālohiaga o te vāteatea ka lūlū kehe mai o lātou alāvaka tūmau.